పిక్ టాక్ : రియల్ లైఫ్ సూపర్ స్టార్!

60 సంవత్సరాలు పైబడి ఇప్పటికీ ‘ఇండియన్ సూపర్ స్టార్’ హోదాను అనుభవిస్తున్న కధానాయకుడు రజనీకాంత్. ప్రస్తుతం ‘రోబో 2.0’ షూటింగ్ లో పాల్గొంటున్న రజనీ, ఆ సినిమా కధానాయిక అమీ జాక్సన్ తో కలిసి ఒక సెల్ఫీ ఫోటోలో దర్శనమిచ్చారు. రెండు పదుల వయసు దాటిన ఈ ముద్దుగుమ్మ ‘రోబో 2.0’లో రజనీ సరసన హీరోయిన్ గా నటిస్తోంది.

ఎటువంటి హంగామా లేకుండా తన రియల్ లైఫ్ లో సూపర్ స్టార్ రజనీకాంత్ ఎలా ఉంటారో ఈ ఫోటోలో చూడవచ్చు. నిజానికి సినీ సన్నివేశాలకు తప్ప ఇతర సమయాలలో రజనీ ముఖానికి మేకప్ వేయరన్న విషయం తెలిసిందే. అందుకు నిదర్శనమే ఈ తాజా ఫోటో. రజనీ హుందాతనం గురించి నేడు ప్రత్యేకంగా విశ్లేషించాల్సిన పనిలేదు. అభిమానులంతా ‘దటీజ్ సూపర్ స్టార్’ అని గర్వంగా చెప్పుకునే విధంగానే రజనీ నడవడిక ఉంటుంది మరి!