టాలీవుడ్ లోని టాప్ హీరోలందరితోను జత కట్టింది పూజా హెగ్డే… ఈ మధ్య కాలంలో వేరే బాషల మీద కూడా దృష్టి పెట్టి తన మార్కెట్, రేంజ్ పెంచుకునే ప్రయత్నం చేసింది. ఈ సమయంలో ఆమెకు అనుకోకుండా ఆచార్య టీం నుండి పిలుపు వచ్చింది. ఈ సినిమాలో ఒక గెస్ట్ పాత్రలో కనిపించబోతున్న రామ్ చరణ్ సరసన నటించమని ఆఫర్.
అయితే పూజా కు డేట్స్ ఖాళీ లేవు అయితే ఆమె ఇప్పటివరకు రామ్ చరణ్ సరసన నటించలేదు. ఈ చిత్రంలో రామ్ చరణ్ పాత్ర 30-35 నిమిషాలకు దగ్గరగా ఉంది. పూజా హెగ్డేకు ఈ చిత్రంలో 15-18 రోజులు పాల్గొనాలి. టాకీ భాగాలతో పాటు, ఆమె చరణ్తో కలిసి ఒక పాట షూటింగ్లో పాల్గొంటుంది. చిన్న పాత్ర కావడం.. చిరంజీవి, కొరటాల, చరణ్ వంటి పెద్ద పేర్లు ఉన్నందున, ఆమె ఒప్పుకుందట.
సమ్మర్ సెలవులను క్యాష్ చేసుకోవడానికి ఈ చిత్రాన్ని మే నెలలో విడుదల చేయాలని మేకర్స్ కోరుకుంటున్నారు. కొరటాల శివ ఈ చిత్రానికి దర్శకత్వం వహిస్తున్నారు. ఈ చిత్రంతో చాలా సంవత్సరాల తరువాత చిరంజీవి మరియు వెటరన్ మ్యూజిక్ డైరెక్టర్ మణిశర్మ కలిసి పనిచెయ్యనున్నారు.
నిరంజన్ రెడ్డి, రామ్ చరణ్ నిర్మించిన ఈ చిత్రంలో కాజల్ అగర్వాల్ కథానాయికగా నటిస్తుంది. ఆమె గతంలో ఖైదీ నెం 150 లో చిరంజీవిని రొమాన్స్ చేసింది. పెళ్లి తరువాత కాజల్ షూట్ చెయ్యబోయే మొదటి సినిమా ఇదే. కొరటాల కు తన కెరీర్ లో ఇప్పటిదాకా ఒక్క ప్లాప్ కూడా లేదు. పైగా ఆయన సినిమాలన్నీ ఆయా హీరోల కెరీర్ లో అప్పటికే అతిపెద్ద హిట్లు. దానితో ఈ సినిమాపై అంచనాలు భారీగా ఉన్నాయి.
