ఒకప్పుడు తెలుగు, మలయాళ, తమిళ సినీ రంగాలను ఊపేసిన షకీలా, గత కొంతకాలంగా సినీ ఇండస్ట్రీకి దూరంగా ఉంటున్న విషయం తెలిసిందే. అయితే తాజాగా తన జీవితాన్ని తెరపైకి తీసుకువస్తున్న క్రమంలో… ఈ సినిమాకు సంబంధించిన ఫస్ట్ లుక్ ఫోటోలను చిత్ర యూనిట్ విడుదల చేసింది.
[m9ad]
షకీలా పాత్రను హీరోయిన్ రిచా చద్దా పోషిస్తుండగా, ఈ ఫస్ట్ లుక్ ఫోటోలలో కేరళ సాంప్రదాయ దుస్తులలో అందంగా, ఆహ్లాదకరంగా కనిపించింది. నిజానికి షకీలా అంటే హాట్ లుక్ కు పర్యాయపదం. అలాంటి షకీలా కాస్ట్యూమ్స్ కు భిన్నంగా ఈ పిక్స్ ఉండడం విశేషం. బహుశా షకీలా తెరవెనుక కధ ఆవిష్కృతం కానుందేమో!
“మోనాలిసా, ఐశ్వర్య, లవ్ యూ అలియా” చిత్రాలకు దర్శకత్వం వహించిన కన్నడ ఇండస్ట్రీకి చెందిన ఇంద్రజిత్ లంకేష్ ఈ బయోపిక్ ను తెరకెక్కిస్తున్నారు. మరోవైపు షకీలా “శీలవతీ” (వాట్ ది ..క్ అనే ఉపశీర్షిక) అనే సినిమాను తన 250వ సినిమాగా ప్రకటించి, ఇటీవల ఫస్ట్ టీజర్ ను కూడా విడుదల చేసారు.
