పవర్ స్టార్ పవన్ కళ్యాణ్ అనుకరించడం… తద్వారా సినిమాకు పబ్లిసిటీ రాబట్టుకోవడం చిన్న సినిమాలకు మామూలే. ఆ క్రమంలోనే తాజాగా మెగా హీరో సాయిధరమ్ తేజ్ “సుప్రీమ్” సినిమాకు సంబంధించిన ఓ పోస్టర్ సోషల్ మీడియాలో సందడి చేస్తోంది. పవన్ కళ్యాణ్ ‘గబ్బర్ సింగ్’ సినిమాలో పోస్టర్ ను మాదిరి సాయిధరమ్ తేజ్ కూడా పంచె కట్టుకుని నమస్తే పెడుతూ ‘సుప్రీమ్’ సినిమాకు గానూ ఫ్రీ పబ్లిసిటీ కొట్టేస్తున్నాడు.
మే 5వ తేదీన విడుదల కానున్న ఈ సినిమా ఫుల్ కమర్షియల్ అంశాలతో నిండి ఉందని చెప్పిన సాయి, పవన్ అభిమానులను ఆకర్షించే క్రమంలో భాగంగా ‘గబ్బర్ సింగ్’ స్టైల్లో దర్శనమిచ్చారు. మరి ఇలాంటి పబ్లిసిటీ జిమ్మిక్కులు ఎంతవరకు వర్కౌట్ అవుతాయో తెలియాలంటే తొలిరోజు ‘సుప్రీమ్’పై మెగా అభిమానుల స్పందన వరకు వెయిట్ చేయాలి. సాయికి జతగా రాశి ఖన్నా నటించిన ఈ సినిమాను ‘పటాస్’ దర్శకుడు అనిల్ రావిపూడి తెరకెక్కించగా, సుప్రసిద్ధ నిర్మాత దిల్ రాజు నిర్మించారు.
