చిరు కుటుంబానికి షాక్ ఇచ్చేలా బ్యాక్ గ్రౌండ్?

కొన్నేళ్ల కిందట అందరికీ ఆశ్చర్యాన్ని కలిగిస్తూ, ఆర్య సమాజ్ లో శిరీష్ భరద్వాజ్ అనే యువకుడిని చిరంజీవి చిన్న కుమార్తె శ్రీజ ప్రేమ వివాహం చేసుకున్న సంగతి తెలిసిందే. అప్పట్లో పెను సంచలనం సృష్టించిన ఈ ఉదంతంలో… కొంతకాలం కాపురం తరువాత ఓ బిడ్డను కనడం, ఆపై విభేదాలు వచ్చి విడాకులు తీసుకుని, ఇటీవల శ్రీజ మరొకరిని వివాహం చేసుకోవడం కూడా జరిగిపోయిన సంగతులు తెలిసినవే. అత్యంత ఘనంగా ఈ వివాహ వేడుకను చిరు దగ్గరుండి మరీ జరిపించి, తన వైభవాన్ని చాటుకున్నారు.

అయితే తాజాగా శిరీష్ భరద్వాజ్ కూడా అంతే వైభవంగా తన రెండో వివాహాన్ని జరుపుకుని, చిరు ఫ్యామిలీకి షాక్ ఇవ్వాలని భావిస్తున్నారట. ఓ ప్రముఖ వ్యాపారవేత్త కుమార్తెను శిరీష్ వివాహం చేసుకోబోతున్నాడని తెలుస్తోంది. ఇప్పటికే బీజేపీలో చేరి తన రాజకీయ జీవితాన్ని ప్రారంభించిన శిరీష్, ఈ వివాహాన్ని గ్రాండ్ గా జరుపుకుని శ్రీజ కుటుంబానికి షాకిచ్చేలా పెళ్లి చేసుకోబోతున్నాడని సమాచారం.