విజయ్ దేవరకొండ ‘మిస్టరీ’ వీడింది!

ట్రోల్స్ ను కూడా పాజిటివ్ గా చేసుకున్న ఘనత విజయ్ దేవరకొండ సొంతం. అలాంటి విజయ్ దేవరకొండ, తాను 10వ క్లాస్ లో ఉన్న ఓ ఫోటో సోషల్ మీడియాలో ప్రత్యక్షం కావడం వెనుక ఆశ్చర్యాన్ని వ్యక్తం చేసిన విషయం తెలిసిందే. వీళ్ళందరికీ ఈ ఫోటో ఎలా దొరికిందో అంటూ బహిరంగంగానే తన అభిప్రాయాన్ని వ్యక్తం చేస్తూ, నెటిజన్ల టైమింగ్ ను, ట్రోల్స్ ను మెచ్చుకున్న విషయం తెలిసిందే.

[m9ad]

అయితే 10వ తరగతిలో విజయ్ దేవరకొండ ఫోటో ఫోటో ఎలా బయటకు వచ్చిందో అన్న మిస్టరీపై తాజాగా స్పష్టత వచ్చింది. విజయ్ దేవరకొండ చదువుకున్న సత్య యూనివర్సిటీలో చదువుకున్న ఓ అమ్మాయి, ప్రస్తుతం ఓ వెబ్ మీడియాలో విధులు నిర్వహిస్తుండగా, ఆ అమ్మాయికి సీనియర్ మరియు విజయ్ దేవరకొండ క్లాస్ మెట్ అయిన సాయి మనోహర్ ద్వారా ఈ ఫోటో బయటకు వచ్చిందన్న విషయం తేలింది.

దీంతో ఈ మిస్టరీ వీడిందంటూ విజయ్ దేవరకొండ సంతోషం వ్యక్తం చేసారు. అసలు ఈ ఫోటో ఎలా వచ్చిందంటూ ప్రతి దగ్గర తాను ఎంక్వయిరీ చేశాను, ఈ రోజు మొత్తానికి దీనికి జవాబు లభించింది అంటూ చిరునవ్వులు చిందించాడు. స్కూల్ లో డ్రామాలు చేసేవాడిని గానీ, సీరియస్ గా నటుడిని అవ్వాలని మాత్రం అనుకోలేదని, ఎలానో ఇలా నటుడిగా అయ్యానని తన ఫ్లాష్ బ్యాక్ విశేషాలు చెప్పుకొచ్చారు.