వైకాపా వారినీ అక్కున చేర్చుకుంటున్న అన్నా కాంటీన్

రోజూ కోడి కూయగానే వైకాపా నాయకులు కొందరు ప్రభుత్వంపైనా ప్రభుత్వ పధకాల పైనా విమర్శలు కురిపించడం షరా మాములే. ఈ లిస్టులో ఇటీవలే మొదలుపెట్టిన అన్నా కాంటీన్లు కూడా ఉన్నాయి. అయితే తాజాగా అవే అన్నా కాంటీన్ల సాక్షిగా ప్రతిపక్షం పరువు పోయింది. ఫొటోలతో సహా దొరికిపోయారు కూడా.

[m9ad]

వివరాల్లోకి వెళ్తే విపక్ష నేత జగన్ మోహన్ రెడ్డి పాదయాత్ర విశాఖపట్నం జిల్లాలో జరుగుతుంది. ఆ పాదయాత్రలో పాల్గొన్న కొందరు యువకులు తమ దగ్గరలో ఉన్న అన్నా కాంటీన్ కు వెళ్లి తమ ఆకలి తీర్చుకున్నారు. వారు జై జగన్ అని ఉన్న టీ షర్ట్ లు ధరించి ఉండటంతో ఆ ఫోటోలు సోషల్ మీడియాలో షికారు చేస్తున్నవి.

వైకాపా వారినీ అక్కున చేర్చుకుంటున్న అన్నా కాంటీన్ అంటూ తెలుగు దేశం పార్టీ అభిమానులు ఆ ఫోటోలను వైరల్ చేస్తున్నారు. రాష్ట్రంలోని అన్ని ప్రధాన పట్టణాలలో నెలకొల్పిన అన్నా కాంటీన్లలో కేవలం ఐదు రూపాయలకే రుచికరమైన భోజనం పెడుతుండటంతో వాటికి విశేష ఆదరణ వస్తుంది.