వస్తున్న వార్తలకు విరుద్ధంగా, కెజిఎఫ్ 2 షూట్ నిన్న తిరిగి ప్రారంభం కాలేదని మనకు తెలుస్తుంది. కెజిఎఫ్ 2 షూటింగ్ లొకేషన్ లోది అని చెప్పబడుతూ చక్కర్లు కొడుతున్న ఒక ఫోటో తమ సినిమాలోది కాదని నిర్మాతలు స్పష్టం చేస్తున్నారు. ఈ నెల 26 నుండి తాము షూట్ తిరిగి ప్రారంభించబోతున్నామని మేకర్స్ తెలిపారు.
“సంజయ్ దత్ ప్రమేయం లేని భాగాలను మేము మొదట ప్రారంభిస్తాము. సమయానికి అతను తిరిగి వచ్చి షూట్ చేస్తాడని మేము ఆశిస్తున్నాము, మాకు అతని మూడు రోజుల కాల్ షీట్స్ కావాలి. ఆమేరకు మాత్రమే అతని పని మిగిలి ఉంది. సినిమా విడుదలకు ముందు తగినంత సమయం ఉన్నందున మేము ఆందోళన చెందలేదు, “అని బృందంలోని ఒక మూలం మాకు తెలిపింది.
సంజయ్ దత్ తన ఊపిరితిత్తుల క్యాన్సర్ ట్రీట్మెంట్ కోసం ముంబైలోని లీలవతి ఆసుపత్రిలో కీమోథెరపీ చేయించుకుంటున్నారు. అతను నటిస్తున్న ఆరు చిత్రాలు వివిధ దశల్లో షూటింగ్ జరుపుకుంటున్నాయి. మరోవైపు, అతని తాజా చిత్రం, సడక్ 2 దాని థియేట్రికల్ విండోను దాటవేసి, ఈ నెల 31 న డిస్నీ + హాట్ స్టార్లొ విడుదల చేస్తుంది.
ఎంతో ఆసక్తిగా ఎదురుచూస్తున్న పాన్-ఇండియా చిత్రం దసరాకు విడుదల కావాల్సి ఉంది. అయితే కరోనా కారణంగా అది కుదిరే పరిస్థితి లేదు. వచ్చే ఏడాది జనవరిలో సినిమా విడుదల చెయ్యాలని వారు భావిస్తున్నారు. అప్పటికి పరిస్థితులు అనుకూలించి, సంజయ్ దత్ కూడా కోలుకుంటేనే అది సాధ్యం అవుతుంది.
