మంచు మనోజ్… ఏ పార్టీ నుండి..?

తనకు రాజకీయాల్లోకి రావాలని వుందని, తిరుపతి కేంద్రంగా ప్రజా సేవను ప్రారంభించి, రాయలసీమ ప్రాంతమంతటికీ విస్తరిస్తానని గత నెలలో అభిమానులకు లేఖ రాసిన మంచు మనోజ్, తన రాజకీయ అరంగేట్రంపై ఇంకాస్త స్పష్టత ఇచ్చాడు. ఓ అభిమాని ట్విట్టర్ వేదిక ద్వారా మనోజ్ ను ప్రశ్నిస్తూ, “అసలు నీ ప్లాన్ ఏంటి, నీ స్కీం ఏంటి, నీ గోల్ ఏంటి?” అని అడుగగా స్పందించాడు.

[m9ad]

ఓ ఖాళీగా ఉన్న ప్రదేశంలో దిగిన ఫోటోను జత చేసిన మనోజ్, “పేద విద్యార్ధులు, రైతుల కోసం ఏదో చేయాల‌నుకున్న నా క‌ల ఈ ఖాళీ ప్ర‌దేశం ద్వారా తీర‌బోతుంది” అన్నాడు. తన కల ఇక్కడి నుంచే తీరబోతోందని, తానున్న చోట ఉచిత ఆహారం, క్రీడా సౌకర్యాలు, మంచినీటి వసతి ఉండాలన్నదే తన లక్ష్యమని చెప్పాడు. దీంతో ఏ పార్టీ ద్వారా మంచు మనోజ్ ఎంట్రీ ఇవ్వబోతున్నారనే దానిపై సర్వత్రా చర్చ జరుగుతోంది.