వైరల్ అవుతోన్న చైతూ – సమంత లేటెస్ట్ వీడియో!

అక్కినేని ఇంట కోడలుగా ‘కుందనపు బొమ్మ’ సమంత అడుగుపెట్టబోతోంది. నాగచైతన్యతో హైదరాబాద్ లో బందుమిత్రుల సమక్షంలో ఎంగేజ్మెంట్ వైభవంగా జరిగింది. ఈ వేడుకకు సంబంధించిన ఫోటోలను కింగ్ నాగార్జున ఎప్పటికప్పుడు సోషల్ మీడియా ద్వారా విడుదల చేస్తూ అభిమానులను ఉత్సాహంలో నింపారు. అయితే ఫోటోలు చాలానే వచ్చాయి, ఈ వేడుకకు సంబంధించిన చిన్న వీడియో కూడా అభిమానులను పలకరించలేకపోయింది. కానీ, తాజాగా లీక్ అయిన ఓ వీడియో సోషల్ మీడియాలో వైరల్ గా మారింది.

కరతాళధ్వనుల నడుమ ఉంగరం తొడిగి, సమంతను ముద్దాడిన చైతూ, అలాగే చైతూకు రింగ్ తొడిగి ముద్దాడిన సమంత వీడియో సోషల్ మీడియాలో హల్చల్ చేస్తోంది. కొద్దిమంది మధ్యనే జరిగినా, ఈ వేడుక అద్భుతంగా జరిగిందని ఈ చిన్న బైట్ చెప్పకనే చెప్తోంది. అయినా చైతూ – సమంతలకు సోషల్ మీడియా లీక్ లు బాగా కలిసివచ్చాయనే చెప్పాలి. అధికారికంగా చెప్పిన సమాచారం కంటే, ఇలా ఎవరో ఒకరు వీడియోలు, ఫోటోలు తీస్తూ, సోషల్ మీడియాలో పోస్ట్ చేయడం ద్వారానే ఈ జంట బాగా పాపులర్ అయిన విషయం తెలిసిందే.