‘అన్నయ్య’ను పక్కన పెట్టి ‘కన్నయ్య’లా పవన్!

మెగాస్టార్ చిరంజీవి ఇటీవల పవన్ కళ్యాణ్ “సర్దార్ గబ్బర్ సింగ్” సినిమా సెట్ కు వెళ్ళిన విషయం తెలిసిందే. ఈ సందర్భంగా పవన్ – చిరులు కలిసి ఉన్న ఫోటోలు సోషల్ మీడియాలో హల్చల్ చేసాయి. తాజాగా హీరోయిన్ కాజల్ తో పవర్ స్టార్ దిగిన కొత్త స్టిల్స్ కూడా సందడి చేస్తున్నాయి.

ఈ రెండు ఫోటోలను పక్కన పెడుతూ నెటిజన్లు సరికొత్త చర్చకు దారితీసారు. చిరంజీవి వచ్చినపుడు ‘అన్నయ్య’కు కాస్త దూరంగా ఉన్న పవన్, మరో వైపు కాజల్ పై చేయి వేస్తూ ‘కన్నయ్య’ (చిలిపి కృష్ణుడు)లా వ్యవహరించారని పోలుస్తున్నారు. అన్నదమ్ముల మధ్య అంతరానికి నిదర్శనంగా ఈ ఫోటోలను ప్రస్తావిస్తున్నారు.

అయితే చిరు, కాజల్ లపై పవన్ అభిమతం ఎలా ఉన్నా, పవర్ స్టార్ కు సంబంధించిన ప్రతి అంశం నెటిజన్లకు ఆసక్తికరమే కదా! అందుకే చిన్న చిన్న అంశాలు కూడా భారీ స్థాయిలో సందడి చేస్తుంటాయి..!