సరిగ్గా ఇదే బాటలో పయనిస్తోంది… “పెళ్లిచూపులు” సినిమా. ఇప్పటివరకు విడుదల చేసిన టీజర్లు, ట్రైలర్ ప్రేక్షకులను విపరీతంగా ఆకట్టుకోవడంతో పాటు, ఈ సినిమా పబ్లిసిటీ టాలీవుడ్ లో సరికొత్త ట్రెండ్ ను క్రియేట్ చేసింది. ఈ నెల 29వ తేదీన ఈ సినిమా విడుదల కానుండగా, ఇప్పటికే పలు చోట్ల ప్రీమియర్ షోల పేరుతో ఈ సినిమా ప్రదర్శనలు జరిగాయి. ట్రైలర్ మాదిరిగానే సినిమా కూడా ఆకట్టుకునే విధంగా ఉండడంతో, ఇప్పటికే వెబ్ వరల్డ్ లో ‘పెళ్లిచూపులు’ సినిమా పాజిటివ్ రివ్యూలు వచ్చేసాయి.
ఈ ప్రభావం ఖచ్చితంగా ఈ సినిమా ఓపెనింగ్స్ పై పడుతుందని చెప్పవచ్చు. సినిమా విడుదలకు 3 రోజులకు ముందే నెట్టింట్లో దర్శనమిచ్చిన రివ్యూల ప్రభావం ప్రేక్షకులపై ఏ విధంగా ఉందో చెప్పడానికి ఈ సినిమా ఓపెనింగ్స్ ఒక కీలక అంశం కానుంది. బహుశా ఇది సక్సెస్ అయితే మరికొన్ని సినిమాలు ఇదే బాటలో పయనించడం సహజంగా జరిగే ప్రక్రియే. ప్రీమియర్ షోలు టాలీవుడ్ కు కొత్త కాకపోయినా, విడుదలకు ముందు రోజు మాత్రమే, ఇవి ప్రదర్శితమయ్యేవి. కానీ, ‘పెళ్లిచూపులు’ సినిమా బృందం మాత్రం సరికొత్త ట్రెండ్ కు శ్రీకారం చుట్టారు. అయితే అంతటా పాజిటివ్ టాక్ కాబట్టి, పరిస్థితి ఇలా ఉంది, ఒకవేళ అదే నెగిటివ్ అయితే మొత్తానికే మోసం వచ్చేదని ప్రత్యేకంగా చెప్పనవసరం లేదు.
Akshay Kumar and Shraddha Kapoor were supposed to clash at the box office in December…
After the tragic stampede during the Pushpa 2 premiere at Sandhya Theatre in Hyderabad, Tollywood…
