పూరి జగన్నాధ్ తన కెరీర్లో చాలా హెచ్చు తగ్గులు చుసిన దర్శకుడు. ఒక స్టార్ డైరెక్టర్ నుండి డిజాస్టర్ దర్శకుడు అనే వరకు పూరి తన కెరీర్ లో అనీ చూశాడు. సుదీర్ఘ నిరీక్షణ తరువాత, అతను గత సంవత్సరం రామ్ యొక్క ఇస్మార్ట్ శంకర్తో తిరిగి ఫామ్ లోకి వచ్చాడు. ఇప్పుడు విజయ్ దేవరకొండతో కలిసి సినిమా చేస్తున్నాడు.
అయితే ఫామ్ తో సంబంధం లేకుండా, పూరి ఎప్పుడూ ప్రసిద్ధ రచయిత అనే చెప్పుకోవాలి. తన డైలాగులలో నాణ్యత ఎప్పుడూ తగ్గదు. అతను ఇప్పుడు ఓటీటీలోకి ప్రవేశిస్తున్నాడు. పూరీ యొక్క ప్రొడక్షన్ పార్టనర్ చార్మీ, వారి ఓటీతీ వెంచర్ల కోసం తాను ఇప్పటికే స్క్రిప్ట్స్ రాస్తున్నారని, కొత్త డైరెక్టర్లు వీటి కోసం దర్శకత్వం వహిస్తారని వెల్లడించారు.
అతను అక్కడ కూడా విజయాన్ని సాధిస్తాడో లేదో చూద్దాం. ఇక పోతే… దేవరకొండ.. పూరిల సినిమా లాక్ డౌన్ కారణంగా షూటింగ్ ఆగిపోయింది. పరిస్థితులు మెరుగయ్యాక షూటింగ్ మొదలుపెట్టడానికి పూరి సిద్ధం అవుతున్నాడు. ముంబై బ్యాక్ డ్రాప్ లో ఉన్న ఈ సినిమా స్క్రిప్ట్ లో కరోనా కారణంగా కొన్ని మార్పులు చేర్పులు చెయ్యాల్సి రావొచ్చు అంటున్నారు.
ముంబైలో ఇప్పటికే సుమారు లక్ష కేసుల వరకు ఉండటంతో మిగిలిన షూటింగ్ హైదరాబాద్ లోనే చేసే ఆలోచనలో ఉన్నాడు పూరి. ఈ సినిమా తెలుగు, తమిళం, మలయాళం, కన్నడం, హిందీ భాషల్లో రిలీజ్ కానుంది. హిందీ వెర్షన్కు కరణ్ జోహార్ భాగస్వామిగా వ్యవహరించనున్నారు.
