ధామాకా సినిమాతో 100 కోట్ల పోస్టర్ ను సెలబ్రేట్ చేసుకున్న రవితేజ & రవితేజ ఫ్యాన్స్ కి ఆ తర్వాత ఒక్కటంటే ఒక్క డీసెంట్ సినిమా కూడా లేకుండాపోయింది. వాల్తేరు వీరయ్య హిట్టైనా అది చిరంజీవి ఖాతాలో చేరిపోయింది. దాంతో ధమాకా అనంతరం రవితేజ ఖాతాలో అరడజను డిజాస్టర్లు చేరాయి.
“రావణాసుర, టైగర్ నాగేశ్వర్రావు, ఈగల్, మిస్టర్ బచ్చన్, మాస్ జాతర, భర్త మహాశయులకి విజ్ఞప్తి” వంటి సినిమాలన్నీ కనీస స్థాయిలో కూడా ఆడలేదు. సరిగ్గా చెప్పాలంటే వీటిలో ఒక్క సినిమా కూడా కనీసం 15 కోట్ల గ్రాస్ కూడా కలెక్ట్ చేయలేకపోయింది. దాంతో హీరో రవితేజ క్రెడిబిలిటీ ఇరకాటంలో పడింది.
హీరోగా ఇంచుమించుగా 30 ఏళ్లుగా సినిమాలు చేస్తున్నప్పటికీ.. హీరోగా రవితేజ క్రెడిబులిటీకి ఈమధ్యకాలంలో జరిగినంత డ్యామేజ్ ఇంతకుముందు జరగలేదు. అందువల్ల.. “ఇరుముడి” అనే సినిమా రవితేజకి హీరోగా మాత్రమే కాదు వ్యక్తిగానూ చాలా కీలకం.
ఇరుముడి విషయంలో ఫస్ట్ లుక్ పోస్టర్ నుండి మంచి పాజిటివ్ వైబ్ ఉంది. పాటలు, ట్రైలర్ తో ఆ బజ్ ఇంకాస్త పెరిగింది. సినిమా నిజంగా ట్రైలర్ రేంజ్ లో ఉందంటే చాలు.. హిట్టు గ్యారెంటీ. రవితేజకి మరియు అతడి ఫ్యాన్స్ కి కూడా ఈ హిట్టు చాలా అవసరం. ఆల్రెడీ రెండు హ్యాట్రిక్ ఫ్లాపులు దక్కించుకున్న రవితేజకి, ఇరుముడి ఆ ఫ్లాపుల పరంపర నుండి బ్రేక్ ఇవ్వాలి కానీ.. మూడో హ్యాట్రిక్ కి శ్రీకారం చుట్టకూడదు.
హిట్టు, ఫ్లాప్ అనేది నేనేం పట్టించుకోను అని రవితేజ ఒకటికి పదిసార్లు చెప్పినప్పటికీ.. రవితేజ హీరోగా ఇన్నేళ్ల కెరీర్లో టాప్ పొజిషన్ కి చేరుకోకపోవడం అనేది మాత్రం గమనార్హం. వీటన్నిటికీ ఇరుముడి మంచి సమాధానం కావాలి, రవితేజను సరికొత్త కోణంలో ప్రేక్షకులకి పరిచయం చేయాలి.
