ఈ పోస్టర్ లో ఉన్న హీరో ఎవరో గుర్తించారా? లేదంటే ఒక్కసారి “అప్పట్లో ఒకడుండేవాడు, మెంటల్ మదిలో, నీది నాది ఒకే కధ” వంటి సినిమాల ద్వారా పేరుప్రఖ్యాతలు తెచ్చుకున్న హీరో శ్రీవిష్ణును గుర్తుకు తెచ్చుకోండి. మళ్ళీ ఒకసారి ఈ పోస్టర్ లోని హీరోను తీక్షణంగా చూస్తే… ఆ శ్రీవిష్ణు, ఈయన ఒకేలా అనిపిస్తారు. అవును… శ్రీవిష్ణు మేకోవర్ అయిన పోస్టర్ ఇది.
[m9ad]
ఈ నెల 26వ తేదీన విడుదల కాబోతోన్న “వీరభోగవసంతరాయలు” సినిమాలో కీలకపాత్ర పోషిస్తోన్న శ్రీవిష్ణు లుక్ ను తాజాగా విడుదల చేసారు. ఈ పోస్టర్ ను చూసిన వాళ్ళంతా విష్ణు మేకోవర్ కు ఫిదా అవుతున్నారు. మరీ గుర్తు పట్టలేనంత రీతిలో శ్రీవిష్ణు మారిపోవడం, అతని పట్టుదలకు, చిత్తశుద్ధికి నిదర్శనంగా పేర్కొనవచ్చు. ఒక విధంగా చెప్పాలంటే భయంకరంగా ఉన్నాడు శ్రీవిష్ణు.
ఇంద్రసేన దర్శకత్వం వహించిన ఈ సినిమాలో నారా రోహిత్, సుధీర్ బాబులు కూడా కీ రోల్స్ చేస్తుండగా, మరో ప్రధాన పాత్రలో టాప్ హీరోయిన్ శ్రియా కన్నులవిందు చేయనుంది. ఇటీవల విడుదలైన ఈ సినిమా ట్రైలర్ కు ప్రేక్షకుల నుండి మంచి స్పందన లభించడంతో, చిత్ర యూనిట్ అంతా సక్సెస్ పట్ల ఎంతో ఆశాభావంతో ఉంది.
