#Brahmotsavam ..Got to hear the title song n could see some visuals..most alluring n captivating in recent times pic.twitter.com/4gXVk18Yxi
— vennela kishore (@vennelakishore) April 6, 2016
శ్రీకాంత్ అడ్డాల దర్శకత్వంలో ప్రిన్స్ మహేష్ బాబు నటిస్తున్న “బ్రహ్మోత్సవం” సినిమా చివరి షెడ్యూల్ ను రామోజీ ఫిలిం సిటీలో వేసిన సెట్ లో చిత్రీకరిస్తున్నారు. మే 6 లేదా 13వ తేదీన విడుదలకు సిద్ధమవుతున్న ఈ సినిమా ఆడియోను ఈ నెల 24వ తేదీన తిరుపతిలో అంగరంగ వైభవంగా నిర్వహించబోతున్నారు. ఫ్యామిలీ ఎంటర్టైనర్ గా రూపుదిద్దుకున్న ఈ సినిమాకు మిక్కీ జే మేయర్ స్వరాలు సమకూర్చారు.
అయితే ఈ సినిమా టైటిల్ సాంగ్ విన్న కమెడియన్ ‘వెన్నెల’ కిషోర్ తన అనుభూతిని ట్విట్టర్ వేదికగా వ్యక్తపరిచారు. “బ్రహ్మోత్సవం టైటిల్ సాంగ్ వినే అవకాశం మరియు ఈ పాట చిత్రీకరణ చూశానని, ఇటీవల కాలంలో అత్యద్భుతంగా చిత్రీకరించిన పాట” ఇదంటూ తన సందేశాన్ని వినిపించారు. వాస్తవానికి ఈ సినిమా ఆడియోపై పెద్దగా అంచనాలు లేవు. ఆహ్లాదకరంగా ఉండే మిక్కీ స్వరాలు వినసొంపుగా ఉంటాయి గానీ, కమర్షియల్ ఊపును ఇవ్వలేవు. కానీ, ‘వెన్నెల’ కిషోర్ చేసిన ట్వీట్ ‘బ్రహ్మోత్సవం’ ఆడియోపై అంచనాలు పెట్టుకోవచ్చు అన్న నమ్మకాన్ని ప్రిన్స్ అభిమానులకు కలిగించినట్లయ్యింది.
