శంకర్ దర్శకత్వంలో సూపర్ స్టార్ రజనీకాంత్ ప్రధానపాత్రలో తెరకెక్కుతోన్న “రోబో 2.0”కు సంబంధించి తొలి వీడియో ప్రేక్షకులను పలకరించింది. ‘వినాయకచవితి’ పర్వదినం సందర్భంగా ‘గ్లిమ్స్ ఆఫ్ రోబో 2.0’ను విడుదల చేస్తామని చెప్పడంతో… అంతా ‘స్పైడర్’ తరహాలో ఓ చిన్న వీడియోను విడుదల చేస్తారని భావించారు. అయితే చిత్ర యూనిట్ చెప్పినట్లుగా విడుదలైంది ‘గ్లిమ్స్’ కాదు, ‘మేకింగ్’ వీడియో అన్న విషయం అవగతమైంది.
బహుశా విడుదలకు చేయడానికి ముందు ఈ వీడియోకు పేరు పెట్టడంలో తికమకపడ్డారేమో గానీ, చివరికి ‘మేకింగ్ వీడియో’గానే రిలీజ్ చేసారు. అత్యంత భారీ వ్యయంతో తెరకెక్కుతోన్న ఈ సినిమాను రూపొందించడానికి శంకర్ ఏ విధంగా కష్టపడుతున్నారు? అన్న దానికి నిదర్శనంగా ఈ వీడియో నిలుస్తోంది. స్పష్టంగా చూపించనప్పటికీ… రజనీ గెటప్ వేసుకోవడానికే చాలా సమయం పడుతుందన్న భావన ఈ ‘మేకింగ్’ ద్వారా తెలుస్తోంది.
