విలక్షణ పాత్రల్లో కనబడుతూ మంచి హిట్లను సొంతం చేసుకుంటోన్న బాలీవుడ్ హీరో అక్షయ్ కుమార్ తాజాగా ఓ సినిమాలో అతిథి పాత్ర పోషించాడు. వరుణ్ధావన్, జాన్ అబ్రహం, జాక్వెలిన్ ఫెర్నాండెజ్లు ప్రధాన తారాగణంగా రూపుదిద్దుకుంటున్న “డిష్యూం” సినిమాలో ఇప్పటివరకు కనిపించని కొత్త గెటప్ తో అక్షయ్ కుమార్ ప్రేక్షకులను అలరించేందుకు సిద్ధమవుతున్నాడు.
ఈ నెల 29న విడుదల కానున్న “డిష్యూం” చిత్ర యూనిట్ ప్రచార కార్యక్రమాల్లో బిజీబిజీగా ఉంది. ఈ సినిమాకు సంబంధించి ఇప్పటివరకు విడుదలైన పోస్టర్స్, వీడియో సాంగ్స్ అభిమానులను ఆకట్టుకుంటున్నాయి. తాజాగా ట్విట్టర్ ద్వారా ఈ మూవీలోని తన లుక్ ని తెలిపే పోస్టర్ను అక్షయ్ కుమార్ విడుదల చేశాడు. దీనిలో అక్షయ్ రేసర్గా కనబడుతున్నాడు. కొత్త హెయిర్ స్టైల్తో ట్రెండ్ కు తగిన విధంగా అభిమానులను ఆకట్టుకుంటున్నాడు అక్కి.
