వాయిదాలు వేసుకుంటూ వెళ్తున్నారు!

జూనియర్ ఎన్టీఆర్ ‘అరవింద సమేత’తో పాటు విడుదల చేస్తానని హంగామా చేసి, పబ్లిసిటీ పొందిన రాంగోపాల్ వర్మ నిర్మాణంలో తెరకెక్కిన “భైరవగీత,” అప్పటి నుండి వాయిదాల పర్వాన్ని కొనసాగిస్తోంది. అనేక తేదీలను ప్రకటించి వాయిదాలు వేస్తూ వస్తోన్న ఈ సినిమా మరోసారి వాయిదా పడింది. ఈ నెల 22వ తేదీన పక్కా విడుదల అని భావించిన తరుణంలో… 30వ తేదీకి రిలీజ్ డేట్ మారడం విశేషం.

[m9ad]

అయితే ఈ సినిమాకు ఒక రోజు ముందుగా సూపర్ స్టార్ రజనీకాంత్ – శంకర్ ల “2.0” రానున్న విషయం తెలిసిందే. ఈ సారి ఈ సినిమాతో పోటీపడుతూ పబ్లిసిటీ కొట్టేయాలని భావిస్తున్నారో ఏమో గానీ మరో వారం రోజుల పాటు వాయిదా పడింది. కొత్త దర్శకుడు సిద్ధార్ధ దర్శకత్వం వహిస్తోన్న ఈ సినిమాలో కన్నడ హీరో ధనంజయ నటిస్తుండగా, హీరోయిన్ గా ఇర్రా మోర్ సిల్వర్ స్క్రీన్ పై ఎంట్రీ ఇస్తోంది.