సంక్రాతి బరిలో నిలిచిన పెద్ద సినిమాలలో ఎఫ్- 2 బాక్స్ ఆఫీస్ ను దంచి కొడుతోంది. ముఖ్యంగా కలెక్షన్స్ పరంగా చూసుకుంటే ఈ సినిమాకు భారీ కలెక్షన్స్ వస్తున్నాయి. పండగ బరిలో ముందుగా ఈ సినిమానే చూడడానికి సిద్దపడుతున్నారు ప్రేక్షకులు.
ఇక్కడే కాదు అమెరికాలో కూడా ఎఫ్ 2 దూసుకుపోతుంది. ఇక ఈ సినిమా తర్వాత స్తానం రజని కాంత్ పేటకి దక్కగా, ఆ తర్వాత ఎన్ఠీఆర్ సినిమా చూస్తున్నారు ప్రేక్షకులు. ఇదిలా ఉంటే ఈ సినిమాలో ఉన్న కామెడీకి ఫిదా అయిపోయారు తెలుగు ప్రేక్షకులు. అయితే దీన్ని ఆధారంగా చేసుకుని, ఈ సినిమాకి వరుసగా సిరీస్ చెయ్యాలి అని ప్లాన్ చేస్తున్నాడు అనిల్ రావి పూడి. హాలీవుడ్ లో ఈ ట్రెండ్ ఉంది. ఇప్పుడు ఆ ట్రెండ్ ను తెలుగులో కూడా తీసుకు రావాలి అన్నది అనిల్ రావి పూడి.
అయితే ఇప్పటికే దీని గురించి అటూ వెంకీ, ఇటూ వరుణ్ తో అనిల్ మాట్లాడినట్లుగా తెలుస్తుంది. వాళ్ళు కూడా సిరీస్ చెయ్యడానికి సిద్ధంగా ఉన్నట్లు సమాచారం. మరి ఈ ఎఫ్-2 తర్వాత వచ్చే ఎఫ్-3 ఇంకెన్ని నవ్వుల పువ్వులు పోయిస్తుందో చూడాలి. ఏది ఏమైనా…ఇదే జరిగితే తెలుగులో సరికొత్త ట్రెండ్ మొదలయ్యినట్లే.
