తెలుగు చిత్ర పరిశ్రమలో ఉత్తమ డాన్సర్లలో ఎన్టిఆర్, రామ్ చరణ్ ఇద్దరు. రాజమౌళి తన మల్టీ స్టారర్ చిత్రం ఆర్ఆర్ఆర్ లో వారిద్దరిపై ఒక పాటను ప్లాన్ చేస్తున్నారు. ఈ పాట కోసం స్టెప్స్ కంపోజ్ చెయ్యడానికి ఈ ఇద్దరు స్టార్స్ జానీ మాస్టర్ను సిఫారసు చేసినట్లు సమాచారం. ఆయన ఇప్పటికే ఈ పాట కోసం పనిచేయడం ప్రారంభించాడు.
దీనిని చివరిలో షూట్ చెయ్యనున్నట్టు సమాచారం. మరోవైపు, మేకర్స్ ఈ చిత్రంలో రామ్ చరణ్ పాత్ర యొక్క స్పెషల్ వీడియోను గత నెలలో అతని బర్త్ డే స్పెషల్ గా విడుదల చేశారు. ఈ వీడియోకు అద్భుతమైన స్పందన వచ్చింది. దీనితో ఈ చిత్రం యొక్క హైప్ మరియు అంచనాలను భారీగా పెరిగిపోయాయి.
మరోవైపు ఎన్టీఆర్ పుట్టినరోజు స్పెషల్గా మే 20 న విడుదల కానున్న కొమరం భీమ్ స్పెషల్ వీడియోపై అందరి దృష్టి ఉంది. నందమూరి అభిమానులు మే 20 కోసం ఆత్రంగా ఎదురుచూస్తున్నారు.ఈ చిత్రం జనవరి 8, 2021న సంక్రాంతి సందర్భంగా విడుదలకు సన్నాహాలు చేస్తున్నట్టు ఇప్పటికే నిర్మాతలు ప్రకటించారు. 4
అయితే కరోనా లొక్డౌన్ వల్ల సినిమా 2021 సమ్మర్ కు వాయిదా పడుతుందని వార్తలు వస్తున్నాయి. అదే జరిగితే ఈ ఏడాది చివరి నుండి వచ్చే ఏడాది సమ్మర్ లో విడుదల అయ్యే సినిమాల రిలీజ్ డేట్లలో భారీగా మార్పులు ఉండే అవకాశం ఉంది. చూడాలి ఏం జరుగుతుంది అనేది!
