“అర్జున్ రెడ్డి, పెళ్లి చూపులు” తదితర చిత్రాల్లో పాటలు రాసి మంచి రచయితగా పేరు తెచ్చుకున్న శ్రేష్ఠ తాజాగా వెబ్ మీడియాకు ఇచ్చిన ఓ ఇంటర్వ్యూలో ‘కాస్టింగ్ కౌచ్’పై షాకింగ్ కామెంట్స్ చేశారు. టాలీవుడ్ లో తాను కూడా క్యాస్టింగ్ కౌచ్ బారిన పడ్డానని, తనకు ఎన్నో చేదు అనుభవాలు ఎదురయ్యాయని, ఆ కారణంగానే తాను చిత్ర రంగంలోకి రావడాన్ని చాలాసార్లు వాయిదా వేసుకున్నానని వివరించింది. పురుషులతో పాటు మహిళలు కూడా క్యాస్టింగ్ కౌచ్ కి పాల్పడుతున్నారని తెలిపింది.
స్వయంగా ఓ నిర్మాత భార్య తనను కలిసి, ఆమె భర్త వద్దకు వెళ్లాలని కోరిందని చెప్పారు. అలాగే ఓ వ్యక్తి తనపై మనసు పారేసుకున్నాడని, గోవాలో పార్టీ ఇస్తున్నాడని, అక్కడికి వెళ్లాలని ఓ మహిళా దర్శకురాలు డిమాండ్ చేసిందని తెలిపింది. అయితే ఆ పార్టీకి తాను వెళ్ళకపోవడంతో, దీంతో సదరు వ్యక్తి తనకు ఫోన్ చేసి చెడామడా తిట్టాడని వాపోయింది. నిస్సహాయురాలినైన తాను వారితో విభేదించి, కొంతకాలం పాటు ఇండస్ట్రీకి దూరమయ్యానని తన వ్యధను వెలిబుచ్చింది.
