తెలుగు హీరోలలో బాలీవుడ్ హీరో లుక్స్ ఉన్న హీరో ఎవరంటే మొదట చెప్పే పేరు మహేష్ బాబు. కొన్ని యాడ్ల ద్వారా ఆయన దేశవ్యాప్తంగా ఆడియన్స్ కు సుపరిచితమే. తాను ఒక పాన్- ఇండియా స్టార్ కావాలనే కోరిక మహేష్ బాబుకు ఎప్పటి నుండో ఉంది.
తెలుగులో మన స్టార్ హీరోలు ఇంకా 100 కోట్ల షేర్ మార్క్ అందుకోవడానికి తిప్పలు పడుతున్నారు. అదే ప్రభాస్ అయితే మొదటి వారాంతంలోనే ఆ మార్కు దాటేస్తున్నాడు. కారణం దేశవ్యాప్తంగా ఉన్న మార్కెటే. రామ్ చరణ్, ఎన్టీఆర్ లకు ఆ అవకాశం ఆర్ఆర్ఆర్ తో ఉంది.
దీనితో మహేష్ బాబు కూడా కంగారు పడుతున్నాడు. దేశవ్యాప్తంగా విడుదలై సినిమా ను ఇవ్వగల దర్శకుడి కోసం అన్వేషిస్తున్నాడు. మొన్న ఆ మధ్య ఇదే విషయంగా కేజీఎఫ్ దర్శకుడు ప్రశాంత్ నీల్ ని కూడా కలిశాడు మహేష్. అయితే ఇప్పటివరకూ ఏదీ ఫైనల్ కాలేదు.
స్పైడర్ సినిమాతో తమిళనాడులో మార్కెట్ కోసం ప్రయత్నం చేసాడు మహేష్ బాబు. అయితే ఆ ప్రయత్నం దారుణంగా బెడిసికొట్టింది. ఆ తరువాత ఆ ప్రయత్నాలు కూడా మానేశాడు. ఇప్పుడు మరోసారి ఆ దిశగా ప్రయత్నాలు మొదలు పెట్టాడు. మహేష్ బాబు ప్రస్తుతం సరిలేరు నీకెవ్వరు షూటింగ్ లో బిజీగా ఉన్నాడు. వచ్చే సంక్రాంతికి ఈ సినిమా విడుదల అవుతుంది.
