ఏంటి మణి… ఇలా కొట్టావ్..!

‘కృష్ణగాడి వీరప్రేమగాధ’ ఫేం హను రాఘవపూడి దర్శకత్వంలో నితిన్ హీరోగా నటిస్తున్న “లై” సినిమాలో మొదటి పాట ఎంత హిట్ అయ్యిందో తెలిసిందే. ఇటీవల మళ్ళీ వరుసగా సినిమాలు చేస్తున్న మణిశర్మ, ‘బ్యాక్ విత్ ఎ బ్యాంగ్’ అన్న రీతిలో సందడి చేసిన ఈ పాటకు కొనసాగింపుగా విడుదలైన ‘లై’ ఆల్బమ్ లోని రెండవ పాట, ‘మిస్ సన్ షైన్’ సంగీత ప్రియులను పూర్తిగా నిరుత్సాహ పరచడంలో విజయవంతమైంది.

కృష్ణకాంత్ సాహిత్యం అందించిన ఈ పాటను అనురాగ్ కులకర్ణి, సింధూరిలు ఆలపించారు. ఏదో పదాలను వరుసగా పాడుతున్నట్లుగా ఉంది గానీ, ఓ బీట్ గానీ, ఓ ఊపు గానీ లేకుండా మణి స్వరపరచడం విశేషం. లిరికల్ వీడియోతో కూడిన ఈ పాటను చిత్రీకరించిన లొకేషన్స్ హైలైట్ గా కనపడుతున్నాయి. ఈ పాట విన్న మణిశర్మ అభిమానులు మాత్రం… ‘ఏంటి మణి ఇలా కొట్టావ్…’ అనుకోవడం మాత్రం సహజం. బహుశా ఆల్బమ్ లో వీకెస్ట్ సాంగ్ ఇదేనేమో..!