ప్రమోషన్స్ కు ఇలాంటి వీడియోనా?

‘కింగ్’ నాగార్జున హీరోగా రాంగోపాల్ వర్మ తెరకెక్కించిన “ఆఫీసర్” సినిమా ప్రమోషన్స్ కోసం చిత్ర యూనిట్ తీవ్రంగా శ్రమిస్తోంది. ఇప్పటివరకు విడుదల చేసిన టీజర్, ట్రైలర్, వీడియో సాంగ్ ప్రోమో… ఇలా ఏ ఒక్కటి కూడా ప్రేక్షకులను ఆకర్షించకపోవడంతో, తాజాగా ‘ఆఫీసర్ సౌండ్’ పేరుతో ఓ వీడియోను విడుదల చేసారు వర్మ. అయితే ఇది కూడా ఏ మాత్రం ‘సౌండ్’ చేయలేని స్థితిలో ఉండడం విశేషం.

ట్రైనింగ్ లో భాగంగా ఓ రింగ్ లో నాగ్ ఇచ్చిన పంచ్ తో విడుదల చేసిన ఈ వీడియో ఏ విధంగా ప్రభావితం చూపుతుందని వర్మ విడుదల చేసారో ఆయనకైనా తెలుసో లేదో మరి! రవిశంకర్ అందించిన బ్యాక్ గ్రౌండ్ ‘సౌండ్’ ఒక్కటే వినిపించగా, జూన్ 1వ తేదీన ‘ఆఫీసర్’ తమ డ్యూటీని స్వీకరించబోతున్నాడని ఖరారు చేసారు. ఈ సినిమా ఫలితంతో అఖిల్ – వర్మల సినిమా ఫేట్ డిసైడ్ కానుందనేది టాలీవుడ్ టాక్.