ఈ నెల 11వ తేదీన ప్రేక్షకుల ముందుకు రాబోతున్న “నేనే రాజు నేనే మంత్రి” సినిమాపై భారీ అంచనాలు నెలకొన్న విషయం తెలిసిందే. హిట్ అంటే ఏంటో మరిచిపోయిన తేజ దర్శకత్వం వహించిన ఈ సినిమా ధియేటిరికల్ ట్రైలర్ కు అన్ని వర్గాల నుండి మంచి స్పందన రావడంతో పాటు ట్రేడ్ వర్గాలలోనూ పాజిటివ్ బజ్ ను సొంతం చేసుకుంది. సురేష్ ప్రొడక్షన్స్ బ్యానర్ లో ప్రతిష్టాత్మకంగా నిర్మించిన ఈ సినిమా కధ రాజకీయ నేపధ్యంలో సాగనుంది.
పొలిటికల్ డైలాగ్ లు ప్రేక్షకులకు ఎంత కిక్ ఇస్తాయో అన్న విషయం పరుచూరి గోపాలకృష్ణ ఇటీవల ప్రీ రిలీజ్ ఈవెంట్ లో స్పష్టం చేయగా, అదే స్థాయిలో రానా – కాజల్ ల మధ్య కెమిస్ట్రీ కూడా అదిరిపోయిందనే టాక్ ను తాజాగా రిలీజ్ అవుతోన్న పోస్టర్లు చెప్పకనే చెప్తున్నాయి. అందుకు నిదర్శనంగానే రానా – కాజల్ ల ఈ ఫోటో సోషల్ మీడియాలో చక్కర్లు కొడుతోంది. ఈ సినిమాలో రాధ పాత్రే చాలా కీలకం అని ఇప్పటికే స్పష్టమైన అంశం.
