జనసేన అధినేత పవన్ కళ్యాణ్ రెండేళ్ళ గ్యాప్ తరువాత తిరిగి సినిమాల్లోకి ఎంటర్ అవుతున్న సంగతి తెలిసిందే. ఆయన తన కమ్ బ్యాక్ ఫిలిం, పింక్ రీమేక్ షూటింగ్ ఇటీవలే మొదలు పెట్టారు. క్రిష్ జాగర్లమూడి దర్శకత్వంలో మరో సినిమా ఈ మధ్యనే సెట్స్ మీదకు వెళ్ళింది. ఇది ఒక పీరియడ్ సినిమా అని అంటున్నారు.
పవన్ కళ్యాణ్ ఒక పీరియడ్ సినిమా చెయ్యడం ఇదే మొదటి సారి. దీనికి సంబంధించిన రెండో షెడ్యూల్ త్వరలో మొదలు కాబోతుంది. ఈ షెడ్యూల్ కోసం అల్యూమినియం ఫ్యాక్టరీలో ఒక పడవ సెట్ తీస్తున్నారట. దీనిలో కొన్ని కీలక సన్నివేశాలు షూట్ చెయ్యబోతున్నారట. ఇది ఇలా ఉండగా కోహినూర్ డైమండ్ నేపథ్యంలో ఈ కథ ఉండబోతుందట.
షాజహాన్ కొలువులో నుండి ఆ వజ్రాన్ని దొంగిలించే ప్రయత్నం చేసే దొంగల ముఠా నాయకుడిగా పవన్ కళ్యాణ్ కనిపించబోతున్నారని వార్తలు వస్తున్నాయి. ఇస్మార్ట్ శంకర్ తో హిట్ కొట్టిన నిధి అగర్వాల్ ని ఈ సినిమాలో ఒక హీరోయిన్ గా ఫైనల్ చేశారని వార్తలు వచ్చాయి. అయితే ఇంకా అధికారిక ధృవీకరణ రాలేదు.
మరోవైపు ఈ సినిమాలో ఇంకో హీరోయిన్ కూడా ఉండే అవకాశం ఉందంటున్నారు. ఈ సినిమాకు కీరవాణి మ్యూజిక్ డైరెక్టర్ అంటున్నారు. పవన్ కళ్యాణ్ తో సినిమా చెయ్యడం ఆయనకు ఇదే మొదటి సారి. సీనియర్ నిర్మాత ఏఎం రత్నం ఈ సినిమాని నిర్మిస్తున్నారు. మొదట్లో 2021 సంక్రాంతికి విడుదల చెయ్యాలని అనుకున్నా ఇప్పుడు ఆర్ఆర్ఆర్ సంక్రాంతికి రానుండడంతో ఏం చెయ్యబోతున్నారు అనేది చూడాలి.
