‘సుల్తాన్’కి జాన్ ‘ఆర్ఫా’ సాలిడ్ ఎంట్రీ!

ఈద్ పర్వదినాన ప్రేక్షకుల ముందుకు రాబోతున్న సల్మాన్ ఖాన్ ‘సుల్తాన్’ సినిమా రెండవ టీజర్ ఎంట్రీ ఇచ్చేసింది. తొలి టీజర్లో ‘హర్యానా కా షేర్’ సల్మాన్ పై ఫోకస్ పెట్టిన చిత్ర యూనిట్, రెండవ టీజర్లో హీరోయిన్ అనుష్క శర్మ గురించి తెలిపింది. కుస్తీ పోటీల్లో ఒక మహిళ ఏ విధంగా తన ప్రతిభను చాటిందో అన్న దానికి ఉదాహరణగా ఉన్న ఈ టీజర్ వీక్షకులను ఆకట్టుకుంటోంది.

‘ఆర్ఫా’గా అనుష్క సాలిడ్ లుక్ ఆకట్టుకోగా, పురుషునితో కలిసి కుస్తీ పోటీలో పాల్గొన్న సన్నివేశంలో అనుష్క శర్మ అదరగొట్టింది. బ్యాక్ గ్రౌండ్ మ్యూజిక్, వాయిస్ ఓవర్ అలరించగా… చివరగా ‘సుల్తాన్’కా జాన్ ‘ఆర్ఫా’ అనే డైలాగ్ తో టీజర్ ముగుస్తుంది. మొత్తమ్మీద ‘సుల్తాన్’ సినిమాతో మరోసారి బాక్సాఫీస్ ను షేక్ చేసే పనిలో సల్మాన్ ఉన్నాడంటూ ‘కండల వీరుడు’ అభిమానులు మురిసిపోతున్నారు.