తమిళ స్టార్ హీరో విజయ్ కున్న మాస్ ఫాలోయింగ్ కు నిదర్శనంగా “సర్కార్” సినిమా తొలి టీజర్ యూ ట్యూబ్ రికార్డులను బద్దలు కొడుతోంది. దసరా సందర్భంగా శుక్రవారం నాడు సాయంత్రం ఆరు గంటలకు యూ ట్యూబ్ లో ప్రత్యక్షం అయిన ఈ టీజర్ విజయ్ అభిమానులను మెప్పించడంలో సక్సెస్ అయ్యింది.
[m9ad]
మురుగదాస్ దర్శకత్వం వహించిన ఈ సినిమా వీరిద్దరి కాంబోకు ‘హ్యాట్రిక్.’ దీంతో భారీ అంచనాలు నెలకొన్న ఈ టీజర్ పై సంతృప్తి పరచడంతో యూ ట్యూబ్ లో దక్షిణాది సినిమాల రికార్డులను బద్దలు కొడుతూ సాగుతోంది. విడుదలైన 12 గంటలలోనే 10 మిలియన్ వ్యూస్ ను అవలీలగా అందుకున్న ఈ టీజర్, 24 గంటలు గడిచే సమయానికి ఆ సంఖ్యను డబుల్ చేసేలా కనపడుతోంది.
అంతేకాదు, లైక్స్ విషయంలోనూ ఇప్పటికే 1 మిలియన్ సంఖ్యను దాటేసి 1.5 మిలియన్ దిశగా అడుగులు వేస్తోంది. దీంతో తొలిరోజే పాత రికార్డులన్నీ కనుమరుగవుతున్నాయి. పొలిటికల్ థ్రిల్లర్ గా తెరకెక్కిన ఈ సినిమాకు ఏఆర్ రెహమాన్ సంగీతం అందిస్తుండగా, విజయ్ కు జంటగా కీర్తి సురేష్ కన్నులవిందు చేస్తోంది. తెలుగులోనూ ఈ సినిమా “సర్కార్” పేరుతో డబ్ అవుతోంది.
