‘రంగస్థలం’ వంటి బ్లాక్ బస్టర్ సక్సెస్ తర్వాత రామ్ చరణ్ హీరోగా మాస్ డైరెక్టర్ బోయపాటి శ్రీను తెరకెక్కిస్తోన్న “వినయ విధేయ రామ”పై అంచనాలు భారీగా ఉన్నాయి. వాటిని మరింత రెట్టింపు చేసే విధంగా ఈ సినిమా టీజర్ ప్రేక్షకుల ముందుకు వచ్చింది. 48 సెకన్ల పాటు సాగిన ఈ టీజర్ లో బోయపాటి – చరణ్ ల మాస్ యాంగిల్ ఫ్యాన్స్ కు ఐ ఫీస్ట్ గా మారింది.
[m9ad]
ముఖ్యంగా టీజర్ నడుమ వచ్చే “పందెం పరశురాం అయితే ఏంటిరా… ఇక్కడ రామ్… రామ్ కొ..ణి..ద..ల…” అంటూ చెర్రీ పలికిన విధానం…. చూపించిన అగ్రెసివ్ యాటిట్యూడ్ అభిమానులను మంత్రముగ్ధులను చేస్తుందని చెప్పడంలో ఏ మాత్రం అతిశయోక్తి లేదు. అలాగే చెర్రీ డైలాగ్ డిక్షన్ ఈ టీజర్ కు ఉన్న ప్రధాన హైలైట్. ఇలాంటి మాస్ ఎంటర్టైనర్స్ కు మాంచి ఊపున్న బ్యాక్ గ్రౌండ్ ఇవ్వడంలో దిట్ట దేవి.
అయితే ఈ రొటీన్ కమర్షియల్ మాస్ ఫ్లిక్ ఇష్టపడని వారు కూడా ఉండొచ్చు గానీ, ఓవరాల్ గా “వినయ విధేయ రామ” టీజర్ కావాల్సిన హైప్ ను అయితే పుష్కలంగా తీసుకువచ్చింది. కైరా అద్వానీ హీరోయిన్ గా నటించిన ఈ సినిమాలో ప్రశాంత్, ఆర్యన్ రాజేష్ లు చెర్రీ సోదరులుగా నటిస్తున్నారని ఈ టీజర్ లోని షాట్స్ స్పష్టం చేసాయి. డివివి దానయ్య నిర్మిస్తోన్న ఈ సినిమా సంక్రాంతికి విడుదల కానుంది.
