‘సరైనోడు’ సక్సెస్ పుణ్యమా అంటూ… పవన్ కళ్యాణ్ అభిమానులు చేసిన రచ్చకు… అల్లు అర్జున్ చేసిన ‘చెప్పను బ్రదర్’ అన్న కామెంట్ సోషల్ మీడియాను ఒక ఊపు ఊపిన విషయం తెలిసిందే. ఈ డైలాగ్ ను తాజాగా విడుదలైన ‘సెల్ఫీ రాజా’ సినిమా క్లైమాక్స్ ఎపిసోడ్ లో బీభత్సంగా వాడేసి ప్రేక్షకులకు నవ్వు తెప్పించే ప్రయత్నం చేసారు. అంతలా సినీ ప్రేక్షకుల్లోకి చొచ్చుకుపోయిన ఈ డైలాగ్ త్వరలో అందరి నోట పలికించేందుకు సన్నద్దమవుతున్నట్లుగా సమాచారం.
“చెప్పను బ్రదర్” అనే మాటను ఓ సినిమా టైటిల్ గా ఫిల్మ్ ఛాంబర్ లో తాజాగా నమోదు చేయడం హాట్ టాపిక్ అయ్యింది. మరి ఈ సినిమాలో నటించే హీరో ఎవరు? బన్నీకి కౌంటర్ గా ఈ సినిమాను తెరకెక్కిస్తారా? లేక బన్నీ డైలాగ్ ని కామెడీగా మార్చేస్తారా? వంటి అనేక ప్రశ్నలకు సమాధానం కావాలంటే మరికొంత సమయం పట్టేలా కనపడుతోంది. మొత్తమ్మీద బన్నీ చెప్పిన ఓ చిన్న మాట ఎంతటి సంచలనానికి దారి తీసిందో అంటూ సినీ వర్గాలు చెవులు కొరుక్కుంటున్నాయి.
