సినిమాల్లో విలన్ పాత్రలు పోషించే సోను సూద్ లాక్డౌన్ సమయంలో అవసరమైనవారికి సహాయం చేయడం ద్వారా భారతదేశానికి నిజమైన హీరో అయ్యారు. ఇప్పుడు, తెలంగాణ రాష్ట్రం సిద్దిపేటలోని దుబ్బా తాండా గ్రామానికి చెందిన స్థానికులు అతన్ని ఏకంగా దేవుడిని చేసేశారు. ఈ నటుడి దాతృత్వాన్ని గుర్తిస్తూ వారు ఏకంగా అతనికి ఒక ఆలయాన్ని నిర్మించారు.
అక్కడ వారు ఆయనకు పూజలు కూడా చేసేస్తున్నారు. “అతను మహమ్మారి సమయంలో చాలా మందికి సహాయం చేసాడు, మేము అతని ఆలయాన్ని నిర్మించటం మాకు చాలా ఆనందంగా ఉంది,” అని స్థానికులు అంటున్నారు. సోను టాలీవుడ్లో మెగాస్టార్ చిరంజీవి యొక్క ఆచార్య మరియు బెల్లంకొండ శ్రీనివాస్ యొక్క అల్లుడు అధర్స్ లో నటించబోతున్నారు.
అతను రెండు చిత్రాలలోనూ విలన్ గా కనిపిస్తాడు. అయితే లాక్డౌన్ తరువాత అతని ఇమేజ్ ని దృష్టిలో పెట్టుకుని ఇరు జట్లు తమ అతని స్క్రిప్ట్లను మార్చవలసి వచ్చింది. మరోవైపు… నిన్న ఒక ఇంటర్వ్యూ లో హీరోగా నటించే స్క్రిప్ట్లు వస్తున్నందున తాను విలన్ పాత్రలు చేయబోనని నటుడు వెల్లడించాడు.
ఏకంగా సొంత ఆస్తులు అమ్మి అనేక పనులు చేస్తున్నాడు సోను. లాక్ డౌన్ తరువాత కూడా తన దృష్టికి వస్తున్న అనేక సమస్యలను పరిష్కరిస్తున్నాడు అతను. ఇటీవలే అతను హైదరాబాద్ లో షూటింగ్ చేస్తుంటే రోజు చాలా మంది షూటింగ్ లొకేషన్ కి వచ్చి తమ సమస్యలు చెప్పుకునే వారట.
