బుర్రిపాలెం’కు సితార పుట్టినరోజు ‘స్పెషాలిటీ’

ప్రిన్స్ మహేష్ బాబు ముద్దుల కూతురు సితార పుట్టినరోజు సందర్భంగా అభిమానులు పలు ప్రాంతాలలో అన్నదాన సేవా కార్యక్రమాలు వంటివి నిర్వహించారు. అయితే, సితార పుట్టినరోజును పురస్కరించుకుని ప్రిన్స్ దత్తత తీసుకున్న బుర్రిపాలెం గ్రామంలో ఆంధ్రా హాస్పిటల్స్ సంస్థ మెడికల్ క్యాంపును ఏర్పాటు చేసింది.

స్కూల్ కు వెళ్ళే పిల్లల కోసం ఆంధ్రా హాస్పిటల్స్ ఆధ్వర్యంలోని నిపుణులైన డాక్టర్ల బృందం పిల్లలకు ఉచితంగా వైద్య చికిత్సలను అందించింది. ఈ సందర్భంగా తగు సేవలు అందిస్తున్న హాస్పిటల్ యాజమాన్యానికి ప్రిన్స్ సోషల్ మీడియా ద్వారా కృతజ్ఞతలు తెలుపుతూ ఒక సందేశం ఇచ్చారు. బుర్రిపాలెం అభివృద్ధికి సహకరిస్తున్నందుకు అన్ని విధాలా తానూ, తన కుటుంబం కృతజ్ఞులై ఉండగలం అంటూ పలు ఫోటోలను షేర్ చేసుకున్నారు.