సచిన్ టెండూల్కర్ కనుగొన్న మరో ‘ఇండియా’

క్రికెట్ నుండి రిటైర్మెంట్ ను తీసుకున్న తర్వాత మాస్టర్ బ్లాస్టర్ సచిన్ టెండూల్కర్ జీవితాన్ని ఎంజాయ్ చేయడం ప్రారంభించారు. ప్రపంచంలోని విశిష్ట ప్రదేశాలను చూస్తూ ఎప్పటికప్పుడు తన అభిమానులకు ట్విట్టర్ వేదికగా సమాచారం అందిస్తున్న సచిన్, ఈ సారి ఏకంగా మరో ఇండియానే కనిపెట్టారు. అవును… నాడు వాస్కోడగామా హిందూ దేశాన్ని కనిపెట్టినట్లు మరో ఇండియా ఆవిర్భావాన్ని సచిన్ వెలుగులోకి తెచ్చారు.

ఐస్ ల్యాండ్ లో డ్రైవ్ చేస్తున్న సమయంలో ఓ నీటి సముదాయం ఇండియా మ్యాప్ ను పోలి ఉందని… దానికి సంబంధించిన ఓ సెల్ఫీ ఫోటోను సచిన్ తన ట్విట్టర్లో పోస్ట్ చేసారు. సారే జహాన్ సే అచ్చా హిందూస్తాన్ హమారా… అంటూ దేశభక్తిని చాటుకున్న సచిన్ పోస్ట్ చేసిన ఫోటో నిజంగానే ఇండియా మ్యాప్ మాదిరి ఉండడం వీక్షకులను విశేషంగా ఆకర్షిస్తోంది.