తెలుగు రాష్ట్రాలైన ఏపీ, తెలంగాణాలలోనే కాదు, పొరుగు రాష్ట్రాలైన తమిళనాడు, కర్ణాటకలలోనూ ప్రస్తుతం ఏ ధియేటర్ పరిస్థితి చూసినా ఇదే… ‘సర్ధార్ గబ్బర్ సింగ్’ కటౌట్లతో ధియేటర్ల గోడలు నిండిపోతున్నాయి. పవర్ స్టార్ ఫ్యాన్స్ చేస్తున్న హంగామాతో ధియేటర్లు కొత్త రూపు సంతరించుకుంటున్నాయి.
‘అత్తారింటికి దారేది’ వంటి బ్లాక్ బస్టర్ హిట్ తర్వాత పవన్ ఫుల్ లెంగ్త్ లో నటించిన సినిమా కావడంతో అభిమానుల ఉత్సాహం ఉరకలేస్తోంది. దీనికి తోడు ‘రత్నాపూర్ కా సర్ధార్’గా పవన్ రచ్చ రంబోలా చేసాడనే టాక్ హల్చల్ చేస్తుండడంతో ఫ్యాన్స్ ఆనందానికి అవధులు లేకుండా పోతోంది. మరో వైపు ప్రమోషన్ కార్యక్రమాలు కూడా పెద్ద ఎత్తున జరుగుతున్నాయి.
“వీడు అందరి లాంటి మనిషి కాదు… ఈ జనంలో నుండి పుట్టిన ఐడియాలజీ…” అంటూ విలన్ పవన్ ను కీర్తిస్తూ చెప్తున్న డైలాగ్స్ టీజర్లు పవన్ పొలిటికల్ డైలాగ్స్ ను టచ్ చేసినట్లుగా స్పష్టమవుతోంది. అలాగే ఇంటర్వెల్ బ్లాక్ ముందు పవర్ స్టార్ కూడా ఫ్యాన్స్ ను ఉత్సాహపరిచే పొలిటికల్ డైలాగ్స్ చెప్పినట్లు తెలుస్తోంది.
