నాగ్ అశ్విన్ చాలా తక్కువ సమయంలో తెలుగు సినిమాపై చెరగని ముద్ర వేశారు. అతను ఈ సంవత్సరం చిత్ర నిర్మాణ రంగంలోకి ప్రవేశించి జాతిరత్నలు వంటి బ్లాక్ బస్టర్ను అందించాడు. ఈ ఏడాది చివర్లో ప్రభాస్ నటించిన భారీ ప్రాజెక్టును ప్రారంభించాలని ఆయన ఎదురుచూస్తున్నారు.
అయితే నాగ్ అశ్విన్ ని దగ్గరగా చుసిన ఎవరైనా ఆయన నిజంగా జాతిరత్నం అని చెబుతారు. అతని బర్త్ డే సందర్భంగా స్వప్నా దత్ ఒక ఆసక్తికరమైన విషయాన్ని వెల్లడించారు. నాగ్ అశ్విన్ డ్రెస్సింగ్ వంటి విషయాలకు ప్రాముఖ్యత ఇచ్చే వ్యక్తి కాదట. అయితే అతను ఎవడే సుబ్రహ్మణ్యం ప్రమోషన్ల కోసం మీలో ఎవరు కోటీశ్వరుడు 2 కి హాజరు కావాల్సి వచ్చినపుడు ఒక పెద్ద షో రూమ్ నుండి ఏదైనా మంచి డ్రెస్ తీసుకోవాలని పోరు పెట్టారట.
చివరకు అతను ఒక యెల్లో స్వెటర్ తెచ్చుకున్నాడట. అయితే ఆ సినిమా హీరో నాని సినిమా డబ్బింగ్ నుండి నేరుగా మీలో ఎవరు కోటీశ్వరుడు సెట్లోకి సరైన డ్రెస్ లేకుండా వచ్చారట. ఈ చిత్రంలో నటుడు తన పాత్ర స్వెటర్లో ఎక్కువగా కనిపించడం తో నానికి ఒక స్వెటర్ ఉండాలని బృందం భావించిందట.
నాగ్ అశ్విన్ రెండో ఆలోచన లేకుండా దానిని తీసి నానికి ఇచ్చేశాడట. బట్టలు మరియు కార్లు ఒక వ్యక్తి క్యారెక్టర్ ని నిర్వచించవు అంటూ అప్పటి ఫోటోలను స్వప్నా దత్ ట్విట్టర్ లో షేర్ చేసుకున్నారు. నాగ్ అశ్విన్ నిజంగానే జాతరత్నం అని ఒప్పుకోవాల్సిందే అంటున్నారు నెటిజెన్లు.
