తూచ్! ‘చెట్టా పట్టాల్’ కాదు.. ద్వంద వైఖరి!

ys-sharmila-sakshi-controversy

వైఎస్ షర్మిల సీఎం చంద్రబాబు నాయుడుని కలిసి తన కుమార్తె వివాహానికి ఆహ్వానించారు. వెంటనే వారిద్దరి ఫోటోతో సాక్షి మీడియా ‘బాబుతో చెట్టా పట్టాల్’ అంటూ నెటిజన్స్ పేరుతో తన ఆక్రోశం బయటపెట్టుకుంది. ఊహించినట్లే సాక్షి కథనంపై విమర్శలు వెల్లువెత్తాయి.

అయితే ‘రవి గాంచని చోటుని కవి గాంచున్,’ అన్నట్లుగా మీడియా కూడా గమనించని ఓ విషయాన్ని వైఎస్ షర్మిల గమనించి, ‘బాబుతో చెట్టా పట్టాల్’ అని హెడ్డింగ్ పెట్టి తండ్రి వయసున్న సీఎం చంద్రబాబు నాయుడుకు పెళ్ళి పత్రిక ఇచ్చేందుకు వెళ్తే, సొంత చెల్లెలు గురించి ఇంత నీచంగా వ్రాయిస్తావా? అంటూ ఆమె సాక్షి కథనాన్నిట్యాగ్ చేస్తూ సోషల్ మీడియాలోనే జగనన్నపై నిప్పులు చెరిగారు.

ADVERTISEMENT

నాడు వైఎస్ రాజశేఖర్ రెడ్డి తన పిల్లల పెళ్ళిళ్ళకు చంద్రబాబు నాయుడుతో సహా ప్రతిపక్షనాయకులను కలిసి ఆహ్వానించ లేదా? అంత మాత్రాన్న వారితో కలిసిపోయరా? నాకు, నా కుటుంబానికి జరిగిన వ్యక్తిత్వ హననం ఇది. వైసీపీ అండ్ కో నీచపు బుద్దికి, మరింత దిగజారుడు సంస్కారానికి, తల్లి, చెల్లి అనే తేడాలేకుండా జంతువు చేష్టలకు పరాకాష్ట. జగన్ గారికి, తన సైతాన్ సైన్యానికి ఇంకా పచ్చ రోగం తగ్గలేదు. ఇలాంటి రోతరాతలు వ్రాయించడం మానుకోవడం లేదంటూ వైఎస్ షర్మిల నిప్పులు చెరిగారు.

ఆమె దెబ్బకు వెంటనే సాక్షిలో ‘బాబుతో చెట్టాపట్టాల్’ టైటిల్‌ను ‘షర్మిల ద్వంద రాజకీయ వైఖరిపై సోషల్ మీడియాలో చర్చ! అని మార్చారు. కానీ అదే స్టోరీ… నెటిజన్స్ పేరుతో అవే ఏడ్పులు.

గతంలో కూడా ఒకసారి ‘వైఎస్ షర్మిల పసుపు చీర కట్టుకున్నారంటూ’ మాట్లాడి జగన్‌ ఇలాగే దొరికిపోయారు. ‘సొంత చెల్లి కట్టుకున్న చీర గురించి మాట్లాడుతావా? ఇదేనా నీ సంస్కారం?’ అంటూ నాడు వైఎస్ షర్మిల నిప్పులు చెరగడంతో జగన్‌, ఆయన సైన్యం సైలంట్ అయిపోయారు. మళ్ళీ ఇంతకాలం తర్వాత సాక్షి ‘టైటిల్‌’ కారణంగా మరోసారి ఆమెకు దొరికిపోయారు.

ADVERTISEMENT
Latest Stories