సాధారణంగా ఫ్యాన్ అసోసియేషన్లు సినిమా రిలీజ్లు, వేడుకలు, హీరోల పుట్టినరోజు కార్యక్రమాలకే పరిమితమవుతుంటాయి. కానీ అల్లు అర్జున్ ఫ్యాన్స్ అసోసియేషన్ (AAFA) మాత్రం సామాజిక కార్యక్రమాల ద్వారా ప్రత్యేక గుర్తింపు తెచ్చుకుంటోంది.
HPVపై అవగాహన కార్యక్రమాల్లో భాగంగా ఎనిమిది రాష్ట్రాలు, కేంద్ర పాలిత ప్రాంతాల్లో 820 కార్యక్రమాలను నిర్వహించారు. వీటి ద్వారా దాదాపు 3 లక్షల మంది బాలికా విద్యార్థులకు చేరువయ్యారు.
ఆంధ్రప్రదేశ్, తెలంగాణ, ఒడిశా, తమిళనాడు, కేరళ, మహారాష్ట్ర, కర్ణాటక, అండమాన్ అండ్ నికోబార్ దీవుల్లోని పాఠశాలల్లో ఈ కార్యక్రమాలు జరిగాయి.
సోషల్ మీడియా ప్రచారానికే పరిమితం కాకుండా AAFA వాలంటీర్లు నేరుగా పాఠశాలలకు వెళ్లి బాలికలతో మాట్లాడారు. HPV నివారణ, వ్యాక్సినేషన్పై అవగాహన కల్పించడంతో పాటు, సరైన వైద్య సమాచారం మరియు వ్యాక్సినేషన్కు సంబంధించిన నిర్ణయాల కోసం అర్హత కలిగిన వైద్య నిపుణులను సంప్రదించాలని సూచించారు.
పాన్ ఇండియా స్టార్గా అల్లు అర్జున్ ఎదుగుతున్న కొద్దీ వివిధ రాష్ట్రాలు, భాషల్లో ఆయన అభిమాన సంఘాలు కూడా విస్తరించాయి. ఇప్పుడు అదే అభిమానుల బలాన్ని సినిమాలకు మించి సామాజిక కార్యక్రమాలకు ఉపయోగించే ప్రయత్నం AAFA చేస్తోంది.
820 కార్యక్రమాలు.. దాదాపు 3 లక్షల బాలికలకు చేరువ.. 8 ప్రాంతాల్లో ఈ కార్యక్రమం కొనసాగింది.
అల్లు అర్జున్కు దేశవ్యాప్తంగా పెరుగుతున్న అభిమానుల అనుబంధానికి ఈ కార్యక్రమం మరో ఉదాహరణగా నిలిచింది.
