గత 24 గంటల్లో 62 కొత్త కరోనా వైరస్ పాజిటివ్ కేసులను రాష్ట్రం నివేదించడంతో ఆంధ్రప్రదేశ్లో కరోనా కేసులు తగ్గే సూచనలు కనిపించడం లేదు. 62 కేసుల్లో 25 కేసులు కర్నూలుకు, మరో 12 కేసులు కృష్ణాకి చెందినవి. మొత్తం కేసులు 1,525 కు పెరిగాయి. అలాగే 33 మరణాలు మరియు 441 రికవరీలు ఉన్నాయి, మొత్తం క్రియాశీల కేసులు 1,051 కు చేరుకున్నాయి.
అయితే మంచి విషయం ఏమిటంటే మొత్తం కేసులలో దాదాపు 1/3 వ వంతు మంది విజయవంతంగా చికిత్స చేయబడి, హాస్పిటల్ నుండి డిశ్చార్జ్ అయ్యారు. కర్నూలు, గుంటూరు, మరియు కృష్ణా జిల్లాల వాళ్ళ ఎక్కువ శాతం కేసుల వచ్చాయి. ఈ మూడు జిల్లాల మధ్య 1000 కి పైగా కేసులు ఉన్నాయి. 1002 కేసులు ఖచ్చితంగా. అంటే మొత్తం కేసులలో 66%.
ఇది ఇలా ఉండగా…. భారత ప్రభుత్వం కొనసాగుతున్న దేశవ్యాప్తంగా లాక్డౌన్ను మరో రెండు వారాలు పొడిగించింది. దీని ప్రకారం, లాక్డౌన్ మే 17 వరకు ఉంటుంది. గ్రీన్ మరియు ఆరెంజ్ జోన్ల పరిధిలోకి వచ్చే జిల్లాల్లో కొన్ని సడలింపులు ఇవ్వబడతాయి. అయితే రెడ్ జోన్లలో మాత్రం సంపూర్ణంగా లాక్ డౌన్ అమలు అవుతుంది.
ఎపిలోని ఏకైక గ్రీన్ జోన్ జిల్లా విజయనగరం. అలాగే ఏడు జిల్లాలు ఆరంజ్ జోన్ కింద, మిగతా ఐదు జిల్లాలు రెడ్ జోన్ల కింద ఉన్నాయి. ఇది ఇలా ఉండగా… కేంద్ర ఆరోగ్య, కుటుంబ సంక్షేమ మంత్రిత్వ శాఖ ప్రకారం దేశంలో మొత్తం కేసుల సంఖ్య 37,336. కోలుకున్న వారి సంఖ్య 10,000కు చేరువలో ఉంది.
