హైకోర్ట్ గ్రీన్ సిగ్నల్… బరిలోకి దిగిన హీరో..!

నిర్మాతల సంఘం ఎన్నికల్లో పోటీ చేయడానికి ప్రముఖ హీరో విశాల్‌ కు మద్రాస్ హైకోర్టు గ్రీన్ సిగ్నల్‌ ఇచ్చింది. విశాల్ పోటీ చేయడానికి ఎలాంటి అభ్యంతరమూ లేదని తేల్చి చెప్పింది. విశాల్ నామినేషన్‌ ను ఎన్నికల అధికారి అంగీకరించడాన్ని సవాలు చేస్తూ… నిర్మాతల సంఘం వేసిన పిటిషన్‌ను విచారించిన మద్రాస్ హైకోర్టు, అది న్యాయ సమ్మతమేనంటూ ఉత్తర్వులు జారీ చేసింది.

నడిగర్ సంఘం ప్రధాన కార్యదర్శి అయిన విశాల్ నిర్మాతల సంఘంలో కూడా పోటీకి దిగడం అన్యాయమని, రెండు సంఘాలకు ఒకే వ్యక్తి పనిచేయడం చట్టవిరుద్ధం కావడంతో, విశాల్ నామినేషన్‌ను తోసిపుచ్చాలని కోరుతూ నిర్మాతల సంఘం హైకోర్టులో పిటిషన్ దాఖలు చేసింది. మంగళవారం ఈ పిటిషన్‌ను విచారించిన ధర్మాసనం విశాల్ పోటీ పడడంలో తప్పులేదని తీర్పు చెప్పడంతో, విశాల్ వర్గం సంబరాల్లో మునిగిపోయింది.