టీమిండియా చేతిలో ఆసీస్ కు అవమానం తప్పదు!

భారత పిచ్ లపై గిరగిరా తిరుగుతూ వచ్చే స్పిన్ బంతులను ఎదుర్కోవడాన్ని సాధ్యమైనంత త్వరగా నేర్చుకోవాలని, నేర్చుకోలేకుంటే, ఇండియా టూర్ ను రద్దు చేసుకోవాలని ఆస్ట్రేలియా జట్టుకు ఇంగ్లండ్ జట్టు మాజీ కెప్టెన్ కెవిన్ పీటర్సన్ సలహా ఇస్తున్నాడు. ఈ నెల 23 నుంచి తొలి టెస్టు మ్యాచ్ తో ఆస్ట్రేలియా టూర్ ప్రారంభం కానుండగా, స్పిన్ బంతులను ఆడలేకుంటే, అవమానం తప్పదని హెచ్చరించాడు.

స్పిన్ ప్రాక్టీస్ కు స్పిన్ పిచ్ లే అవసరం లేదని, ఏ తరహా పిచ్ పై అయినా స్పిన్ ఆడటాన్ని నేర్చుకోవచ్చని, ఫుట్ వర్క్ ఎంతో ముఖ్యమని చెప్పాడు. 150 కిలోమీటర్ల వేగంతో వచ్చే బంతులను ఆడే అలవాటున్న ఆస్ట్రేలియా ఆటగాళ్లు, 75 కిలోమీటర్ల వేగంతో వచ్చే బంతులను ఆడటం సులభమేనని, అయితే, బంతి గమనాన్ని గమనించాల్సి వుంటుందని చెప్పుకొచ్చాడు.