‘కృష్ణగాడి వీర ప్రేమగాధ’తో తెలుగు ప్రేక్షకుల మనసులు దోచుకున్న హీరోయిన్ మెహ్రీన్, ప్రస్తుతం వరుస సినిమాలతో టాలీవుడ్ ఆడియన్స్ ను పలకరించడానికి సిద్ధమవుతోంది. ముందుగా ‘మహానుభావుడు’ సినిమా ద్వారా ఈ వారమే ప్రత్యక్షం కానుండగా, తర్వాత రవితేజ “రాజా ది గ్రేట్” మరియు సందీప్ కిషన్ “కేరాఫ్ సూర్య” సినిమాల ద్వారా హంగామా చేయనుంది. కధానాయికగా ఈ ముద్దుగుమ్మ డెడికేషన్ ఏ పాటిదో ‘మహానుభావుడు’ చిత్ర యూనిట్ తాజాగా ఇచ్చిన ఓ ప్రొమోషనల్ ఇంటర్వ్యూలో చెప్పుకొచ్చారు.
ఈ సినిమాలో ‘కిస్ మీ బేబీ’ అంటూ సాగే పాటను ‘క్రియేషియా’లో చిత్రీకరించగా, ఈ పాటలో డాన్స్ చేస్తున్న మెహ్రీన్ ప్రమాదవశాత్తు పడిపోయిందట. దాంతో ఆమె వీపుకు బలమైన గాయం కాగా, ఆ పరిసర ప్రాంతాల్లో హాస్పిటల్స్ కూడా ఏమీ లేకపోవడంతో యూనిట్ సభ్యులు ఆలోచనలో పడ్డారు. తన గురించి షూటింగ్ ఆపవద్దని చెప్పిన మెహ్రీన్, పెయిన్ కిల్లర్స్ వేసుకుని సాంగ్ చిత్రీకరణలో పాల్గొందట. బాధను భరిస్తూ ఈ పాట చిత్రీకరణలో పాల్గొన్న ఆమెను యూనిట్ సభ్యులు ఎంతగానో అభినందిస్తూ… అంకితభావాన్ని గురించి చెప్పుకొచ్చారు.
