దక్షిణాది అగ్ర హీరోయిన్లలో ఒకరిగా కొనసాగుతున్న చెన్నై బ్యూటీ సమంతకు అభిమానులు టాలీవుడ్, కోలీవుడ్ నిండా ఉన్నారన్న విషయం తెలిసిందే. అయితే అక్కినేని నాగార్జున చిన్న కొడుకు అఖిల్-శ్రియా భూపాల్ ల పెళ్లి రద్దు కారణంగా సమంత ఫ్యాన్స్ కి తీవ్ర నిరాశ ఎదురవుతోంది. ఎందుకంటే… వారిద్దరి పెళ్లి రద్దుతో నాగచైతన్య -సమంతల పెళ్లి అనుకున్న దాని కంటే ముందుగానే నిర్వహించాలని నాగ్ చూస్తున్నారట.
దీంతో ఇప్పటికే సినిమాల్లో కనిపించడం తగ్గించేసిన సమంత… ఇటీవల ఒప్పుకున్న రాంచరణ్ తేజ్ – సుకుమార్ ల సినిమాను కూడా వదిలేసిందని సమాచారం. ఈ ఏడాది చివరిలో జరగాల్సిన నాగచైతన్య-సమంతల వివాహ వేడుక, అఖిల్ పెళ్లి రద్దు కారణంగా కాస్త ముందుకు తీసుకురావడంతో సుకుమార్ సినిమాకి సమంత మళ్లీ నో చెప్పినట్టు తెలుస్తోంది. పెళ్లి అనుకున్నదానికి ముందే జరుగుతున్న కారణంగా షెడ్యూల్స్ కి ఇబ్బంది వచ్చే అవకాశం ఉండడంతో సమంత ఈ నిర్ణయం తీసుకుందని టాలీవుడ్ వర్గాల టాక్.
