సుకుమార్ శిష్యుడు, శ్రీకాంత్ ఒడెలాను దర్శకుడిగా పరిచయం చేయడానికి నేచురల్ స్టార్ నాని ఒక ఆసక్తికరమైన ప్రాజెక్టుపై సంతకం చేశారు. శ్రీకాంత్ రంగస్థలం కోసం సుకుమార్ వద్ద అసిస్టెంట్ డైరెక్టర్గా పనిచేశారు. కృష్ణార్జున యుద్ధంలో రాయలసీమ యాసను ఉపయోగించిన నాని టక్ జగదీష్లో గోదావరి యాసను ఉపయోగిస్తున్నారు.
ఈ లాక్ డౌన్ సమయంలో శ్రీకాంత్ ఒడెలా చిత్రం కోసం అతను తెలంగాణ యాసను అభ్యసిస్తున్నట్లు వర్గాలు చెబుతున్నాయి. ఎస్ఎల్వీ సినిమాస్కు చెందిన సుధాకర్ చెరుకూరి ఈ ప్రాజెక్టును నిర్మించనున్నారు. లాక్డౌన్ తర్వాత ఈ ప్రాజెక్టు కు సంబంధించిన అధికారిక ప్రకటన వస్తుంది. వచ్చే ఏడాది ఈ చిత్రం ప్రారంభమవుతుంది.
నాని తాజా చిత్రం వీ మార్చిలో విడుదల కావాల్సి ఉంది, కానీ లాక్డౌన్ కారణంగా ఈ చిత్రం చివరి నిమిషంలో వాయిదా వేయవలసి వచ్చింది. మొదట్లో ఓటీటీలో సినిమా విడుదల అవుతుంది అనుకున్నా… రేట్లు వర్క్ అవుట్ కాకపోవడంతో థియేటర్లు ఓపెన్ కావడం కోసం ఎదురు చూస్తున్నారు.
నాని ప్రస్తుతం నిను కోరి ఫేమ్ శివ నిర్వాణాతో తన తదుపరి షూటింగ్ మధ్యలో ఉన్నాడు. టాక్సీవాలా ఫేమ్ రాహుల్ సంకృత్యన్తో శ్యామ్ సింఘా రాయ్ అనే చిత్రాన్ని కూడా ఆయన ప్రకటించారు. మరోవైపు నాని ప్రస్తుతానికి శ్యామ్ సింఘా రాయ్ ప్రాజెక్టుని పక్కన పెట్టారనే వార్తలు వస్తున్నాయి. లాక్ డౌన్ పూర్తి కాగానే టక్ జగదీష్ షూటింగ్ ప్రారంభించి పూర్తి చేస్తాడు నాని.
