గత కొంత కాలంగా టాలీవుడ్ లో సినిమాలు హిట్టవుతున్నాయోమో గానీ, ఆడియోలకు మాత్రం పెద్దగా స్పందన రావడం లేదు. కానీ చాలాకాలం తర్వాత నాని హీరోగా తెరకెక్కిన “నిన్ను కోరి” ఆల్బమ్ కు అదిరిపోయే స్పందన లభించింది. గోపి సుందర్ స్వరపరిచిన ఈ ఆడియో ‘బ్లాక్ బస్టర్’ టాక్ ను సొంతం చేసుకోగా, ఆ పాటలను సినిమాలో చిత్రీకరించిన విధానం మరింత ఆకట్టుకోవడంతో… ఆడియో పరంగానే కాక, వీడియో పరంగా కూడా చూడముచ్చటగా ఉన్నాయి.
బాక్సాఫీస్ వద్ద ‘సూపర్ హిట్’ సాధించిన ఈ సినిమా వీడియో సాంగ్స్ ను చిత్ర యూనిట్ ఒక్కొక్కటిగా విడుదల చేస్తోంది. ఆడియో మాదిరిగానే ముందుగా ‘అడిగా అడిగా…’ పాటను విడుదల చేయగా, తాజాగా ‘ఉన్నట్టుండి గుండె 100 కొట్టుకుందే…’ అన్న పాటను విడుదల చేసారు. ఈ ఆడియోలో హైలైట్ గా నిలిచిన పాటలలో ఇది ఒకటి కావడంతో వీక్షకుల నుండి స్పందన అదిరిపోయింది. ముందుగా ఎలాంటి సమాచారం లేకుండా రిలీజ్ చేయడంతో, సినీ అభిమానులు థ్రిల్ కు గురయ్యారు.
