పవర్ స్టార్ పవన్ కళ్యాణ్ పుట్టినరోజును అభిమానులు గ్రాండ్ గా జరుపుకుంటున్నారు. ప్రస్తుతం పవన్ నటిస్తోన్న తాజాగా చిత్రానికి సంబంధించి, ఓ పోస్టర్ మరియు అనిరుధ్ మ్యూజిక్ బిట్ తప్ప పెద్దగా ఏమీ విడుదల కాకపోయినా, ఓ విషయంలో మాత్రం పవన్ ఫ్యాన్స్ ఫుల్ ఖుషీగా ఉన్నారు. టైటిల్ కూడా ఖరారు చేయని ఈ సినిమా విడుదల తేదీని స్పష్టంగా ప్రకటించడంతో ఇతర సినిమాలకు కూడా ఓ క్లారిటీతో కూడిన వార్నింగ్ ను ఇచ్చినట్లయ్యింది.
త్రివిక్రమ్ శ్రీనివాస్ దర్శకత్వం వహిస్తున్న ఈ సినిమాను జనవరి 10వ తేదీన విడుదల చేయనున్నామని స్పష్టంగా అనిరుధ్ వీడియోలో తెలపడంతో పవర్ స్టార్ అభిమానుల్లో ఆనందం ఊరకలేస్తోంది. విడుదలకు ఇంకా నాలుగు నెలల సమయం ఉన్నప్పటికీ, పవన్ ఇచ్చిన స్పష్టతతో ఇంకా ఆ డేట్ కోసం నిరీక్షించడం అభిమానుల వంతవుతోంది. బహుశా దసరా పండగకు టీజర్ ను, దీపావళికి మరొకటి… ఇలా వరుస ఫెస్టివల్స్ తో సంక్రాంతి ఫెస్టివల్ కు పవన్ సందడి చేయడం అనేది చిత్ర యూనిట్ ప్రమోషన్ ప్లానింగ్ గా కనపడుతోంది.
