ప్రేమికుల రోజు సందర్భంగా సోషల్ మీడియా వేదికగా అనేక ఫోటోలు, వీడియోలు హల్చల్ చేసాయి. ఎంతమంది సందడి చేసినా నెటిజన్లకు ఏదో లోటు అయితే స్పష్టంగా కనపడింది. ఆ లోటు ఏమిటో ప్రత్యేకంగా చెప్పనవసరం లేదేమో! గత ఏడాది కాలంగా సోషల్ మీడియాలో సంచలన ఫోటోలకు కేరాఫ్ అడ్రస్ గా మారిన జంట చైతూ – సమంతలకు సంబంధించి, వాలైంటైన్స్ డే నాడు ఎలాంటి ఫోటో గానీ, వీడియో గానీ రాకపోవడమే ఈ వెలితికి కారణం.
అయితే ప్రేమ ముచ్చట్లు చెప్పుకునే పనిలో ఉన్న ఈ జంట ఫోటో ఒకటి కాస్త లేటుగా సోషల్ మీడియాకు ఎక్కింది. ఆలస్యం అయితే ఏముంది… ఫ్యాన్స్ కు కావాల్సినంత కిక్ ఇచ్చే విధంగా ఈ ఫోటో ఉంది. నాగచైతన్యను తన చేతులతో దగ్గరికి తీసుకుని, ప్రేమతో నుదురుపై ఓ ముద్దు ఇస్తున్న సమంత ఫోటో చూడముచ్చటగా ఉంది. పరిపక్వత కలిగిన ఆదర్శమైన ‘ప్రేమ జంట’ అంటే ఇలాగే ఉండాలి అనే విధంగా చైతూ – శ్యామ్ లు సందడి చేస్తున్నారని చెప్పడంలో సందేహం లేదు.
