చిరంజీవి సినిమాలో సంపూర్ణేష్ బాబు?

మెగాస్టార్ మెగా మూవీ ప్రస్తుతం శరవేగంగా షూటింగ్ జరుపుకుంటున్న విషయం తెలిసిందే. తాజాగా ఈ సినిమాలో ‘బర్నింగ్ స్టార్’ సంపూర్ణేష్ బాబు కూడా ఓ కీలక పాత్ర పోషించబోతున్నాడనే టాక్ ఊపందుకుంది. ఇటీవల సంపూ నటించిన ‘కొబ్బరిమట్ట’ టీజర్ వీక్షించిన చిరు, ఆ టీజర్లో బర్నింగ్ స్టార్ డైలాగ్స్ కు ఫిదా కావడంతో, సంపూకు ఈ అవకాశం వరించిందని సినీ వర్గాల సమాచారం.

ముందుగా ఈ రోల్ కోసం సునీల్, వెన్నెల కిషోర్ లను సంప్రదించగా, తేదీలు అడ్జెస్ట్ కాకపోవడంతో ఈ స్థానంలో అలీని తీసుకున్నారని తెలిసింది. ఈ సినిమాలో మెగాస్టార్ తో కలిసి ఫస్ట్ షాట్ లో నటించింది కూడా అలీనే. అయితే అలీ కాకుండా మరో కమెడియన్ గా సంపూ రంగప్రవేశం చేస్తున్నారా? లేక సంపూ వార్త కేవలం సినీ జనాల పుకారేనా అన్నది తెలియాల్సి ఉంది.