వీ.వీ.వినాయక్ సంచలనాల దర్శకుడుగా ఒక వెలుగు వెలిగిన వినయ్…బాలయ్యతో ‘చెన్నకేశవరెడ్డి’లాంటి భారీ హిట్ ను అందుకున్నాడు. అయితే అప్పటికి వాళ్ళు అనుకున్న రేంజ్ కానీ సినిమా అయినా…ఆ సినిమా ఇప్పటికీ చాలామందికి ఫేవరెట్ సినిమాగానే ఉండిపోయింది.
[m9ad]
అయితే అలాంటి బాలయ్యతో వినయ్ మరోసారి సినిమా తియ్యనున్నాడు అని గత కొంతకాలంగా వార్తలు వినిపిస్తూ ఉన్నప్పటికీ…కధ ఫైనల్ కాకపోవడంతో ఆ సినిమా పట్టాలు ఎక్కడం లేదు. ఇక తాజాగా వినిపిస్తున్న కధనం ప్రకారం ఈ సినిమా ఇక లేనట్లే అని తేలిపోయింది. ఎందుకంటే బాలయ్య ఎన్ఠీఆర్ బయోపిక్ తర్వాత బోయపాటి శ్రీనుతో సినిమాకి గ్రీన్ సిగ్నల్ ఇచ్చేసాడు అని తెలుస్తుంది.
ఇదిలా ఉంటే ఖైదీ-150 తో మంచి హిట్ ఇచ్చినా అది తమిళ రీమేక్ కావడంతో వినయ్ కి పెద్దగా పేరు రాలేదు. ఇక ఆ అఖిల్, ఇంటెలిజెంట్ సినిమాలు బాక్స్ ఆఫీస్ వద్ద డిజాస్టర్స్ గా నిలవగా..ఇప్పుడు వినయ్ కి భారీ హిట్ ఇచ్చి మళ్ళీ ట్రాక్ లోకి తీసుకు వచ్చే హీరో కావాలి. మరి ఏ హీరో వినయ్ ను ఆదుకుంటాడో? ఏ హీరో “వినయ్ ఈజ్ బ్యాక్ అంటూ” భారీ హిట్ ఇస్తాడో చూడాలి.
