టీజర్ టాక్ – బాబు అదరగొట్టేసాడుగా!

“అఖిల్” సినిమాతో భారీ డిజాస్టర్ ను చవిచూసిన అక్కినేని అఖిల్, రెండవ సినిమా “హలో” తొలి టీజర్ ప్రేక్షకులను పలకరించింది. ‘బ్యాక్ విత్ బాంగ్’ అన్న మాదిరి ‘సూపర్ స్టంట్స్’తో అఖిల్ అదరగొట్టేసాడు అనేది, ఈ టీజర్ చూసిన వీక్షకుల ఫస్ట్ టాక్. గ్రాఫిక్స్ తో చేసిన యాక్షన్ దృశ్యాలు అయినా… ఆ ఛాయలు ఎక్కడా కనపడకుండా… అద్భుతంగా చిత్రీకరించినట్లుగా కనపడుతున్నాయి.

అలాగే అక్కినేని హీరోలకు అద్భుతమైన మ్యూజిక్ అందించే అనూప్ రూబెన్స్ మరోసారి మెస్మరైజింగ్ సంగీతాన్ని అందించినట్లుగా వినపడుతోంది. బ్యాక్ గ్రౌండ్ తో అనూప్ అదరగొట్టగా, చాలా షాట్స్ లో “మనం” సినిమా ఛాయలు, ఆ సినిమా స్టోరీ కనపడుతోంది. విక్రం కే కుమార్ దర్శకత్వం వహించిన ఈ సినిమా అక్కినేని ఫ్యామిలీకి మరో “మనం” అవుతుందని అభిమానులు పూర్తిగా విశ్వసిస్తున్నారు.